ఫేస్బుక్లో తుపాకుల విక్రయాలకు చెక్
సాన్ ఫ్రాన్సిస్కో: ఫేస్బుక్లో ఇక ముందు తుపాకుల విక్రయాలకు చెక్ పడనుంది. ఫేస్ బుక్, దాని అనుబంధ ఫోటో షేరింగ్ సైట్ ఇన్ స్టాగ్రామ్ లో ప్రైవేటు తుపాకుల విక్రయాలు నిషేధిస్తున్నట్లు సోషల్ మీడియా దిగ్గజం ఫేస్ బుక్ ప్రకటించింది.
ఈ మేరకు తమ పాలసీలో మార్పులు తీసుకువస్తున్నామని ఫేస్ బుక్ తెలిపింది. నిజానికి ఫేస్ బుక్ లో నేరుగా ప్రైవేటు తుపాకుల విక్రయాలు జరగడం లేదు. అయితే వాటిని అమ్మే డీలర్లు మాత్రం తుపాకుల ఫోటోలను పోస్టు చేసి, వినియోగదారులను ఆకర్షిస్తున్నారు.
ప్రస్తుతం ప్రయివేటు తుపాకుల విక్రయాలు విచ్చలవిడిగా జరుగుతున్నాయి. ప్రైవేటు ఆయుధాల విక్రయాలు, కొనుగొలు విషయం పలు చర్చలకు వేదికగా మారుతోంది. ఈ నేపధ్యంలో ఫేస్ బుక్ ఈ సంచల నిర్ణయం తీసుకుంది.
ప్రైవేటు తుపాకుల విక్రయాలు నిరోధించేందుకు ఫేస్ బుక్ తమ పాలసీలో మార్పులు తీసుకువచ్చింది. అయితే ప్రభుత్వం నుంచి లైసెన్స్ లు తీసుకున్న డీలర్లపై ఈ నిషేధం ఉండబోదని ఫేస్ బుక్ ప్రాడక్ట్ పాలసీ చీఫ్ మోనికా బిక్టర్ తెలిపారు.