విధి నిర్వహణలో.. భారీ వర్షాన్నీ లెక్కచేయని ట్రాఫిక్ కానిస్టేబుల్, వీడియో వైరల్

ఢిల్లీలో ఓ ట్రాఫిక్ పోలీసు కానిస్టేబుల్ భారీ వ‌ర్షంలోనూ త‌న విధులు నిర్వర్తించడమే కాదు, అప్పుడే బ్రేక్ డౌన్ అయిన కారును వెన‌క నుంచి తోస్తూ స‌హాయం కూడా చేశాడు. ప్రస్తుతం ఈ వీడియో ఫేస్ బుక్ లో వైరల్ గా

న్యూఢిల్లీ: సాధారణంగా మనం రోడ్డుపై వెళుతున్నప్పుడు వర్షం మొదలైతే ఏం చేస్తాం? చుట్టుపక్కలకు చూస్తాం.. ఏదైనా చెట్టు కనిపిస్తే.. పరిగెత్తుకుని వెళ్లి దానికింద తలదాచుకుంటాం.

మరి ఇదే పరిస్థితి రోడ్లపై విధినిర్వహణలో ఉండే ట్రాఫిక్ పోలీసులకు ఎదురైతే? వాళ్లు మాత్రం ఏం చేస్తారు? రెయిన్ కోట్, క్యాప్ ఉంటే.. వర్షం లోనూ విధులు నిర్వహిస్తారు. లేకపోతే మనలాగే తలదాచుకోవడానికి ప్రయత్నిస్తారు అంటారా?

అయితే మరి ఇది చూడండి. ఈ ట్రాఫిక్ కానిస్టేబుల్ భారీ వ‌ర్షంలోనూ వాహ‌నాలకు మార్గ‌ద‌ర్శ‌కం చేస్తూ విధి నిర్వ‌హ‌ణ‌కే తన తొలి ప్రాధాన్యం అంటున్నాడు. ఇది ఢిల్లీలో ఓ ట్రాఫిక్ పోలీసు వర్షంలోనూ విధులు నిర్వర్తిస్తుండగా తీసిన వీడియో. ప్రస్తుతం ఫేస్ బుక్ లో వైరల్ గా మారింది.

రెయిన్ కోటు, క్యాప్ ఏమీ లేవు.. అయినా సరే ఈ ట్రాఫిక్ పోలీసు భారీ వ‌ర్షంలోనూ త‌న విధులు నిర్వర్తించడమే కాదు, అప్పుడే బ్రేక్ డౌన్ అయిన కారును వెన‌క నుంచి తోస్తూ స‌హాయం కూడా చేశాడు. ఈ మొత్తం సీన్ని తన సెల్ ఫోన్ లో చిత్రీకరించిన ఢిల్లీకే చెందిన మంక‌న్ బమ్మి త‌న ఫేస్ బుక్ అకౌంట్‌లో పోస్ట్ చేశాడు.

ఇంతటి అంకిత భావం కలిగిన ట్రాఫిక్ పోలీసు పేరు క‌నుక్కోవ‌డానికి ప్ర‌య‌త్నించినా, తెలుసుకోలేకపోయాన‌ని ఆయ‌న తన పోస్ట్‌లో పేర్కొన్నాడు. ఏదేమైనా ఈ వీడియో చూసిన వారంతా సదరు ట్రాఫిక్ కానిస్టేబుల్ చేస్తున్న ప‌ని చూసి పొగ‌డ్త‌ల‌తో ముంచెత్తుతున్నారు. మీరూ చూడండి.

English summary

While enjoying the rains from the window-sill of your workplace or from the balcony of your house could be a pleasant pass-time for many of us, there are others who brave the downpour because of their sheer dedication towards their duty. Last year, the photos of a Haryana policeman working barefoot in rains went viral. Why barefoot? Because he had just one pair of boots and couldn’t risk getting them wet because he had to come to work the next day as well. Now, a Facebook user shared the videos of a policeman controlling traffic, undeterred by the heavy rains in West Delhi’s Paschim Vihar. Mankan Bammi took to Facebook to share the videos of the traffic policeman he took from inside his car. The videos show him standing in the rain and directing the traffic, which in Delhi becomes even more chaotic when it rains. At one point in one of the videos, he is even shown pushing a car, which probably broke down.