Fact check : వొడ్కా తాగితే కరోనా రిస్క్ తగ్గుతుందా...?
'మద్యం సేవిస్తే కరోనా వైరస్ రాకుండా ఉంటుందా...? వొడ్కా తాగితే వైరస్ సోకే అవకాశాలు తగ్గుతాయా..? అమెరికాకు చెందిన ప్రముఖ సెయింట్ ల్యూక్స్ ఆస్పత్రి దీనికి అవుననే సమాధానం చెబుతోంది.' అంటూ సోషల్ మీడియాలో విపరీతమైన ప్రచారం జరుగుతోంది.
దీనికి సంబంధించి ఈ ఏడాది మార్చి నెలలో ఓ సెయింట్ ల్యూక్స్ విడుదల చేసినట్లుగా ఓ లేఖ వెలుగుచూసింది. తాజాగా దీనిపై స్పందించిన సెయింట్ ల్యూక్స్ ఆ ప్రచారాన్ని కొట్టిపారేసింది. తమ ఆస్పత్రి యాజమాన్యం అలాంటి లేఖలేవీ విడుదల చేయలేదని వివరణ ఇచ్చింది. మద్యం సేవిస్తే కోవిడ్ 19 రిస్క్ తక్కువ అన్న ప్రచారంలో నిజం లేదని స్పష్టం చేసింది.
అంతేకాదు,మద్యం సేవించడం ద్వారా శ్వాసమార్గంపై దుష్ప్రభావం పడుతుందని... శ్వాసకోశ సమస్యలకు దారితీసే అవకాశం ఉంటుందని తెలిపింది. మద్యం సేవించడం వల్ల ఊపిరితిత్తుల్లోని తెల్ల రక్త కణాల సంఖ్య కూడా తగ్గుతుందని స్పష్టం చేసింది.
Recommended Video
అమెరికాకు చెందిన సెంటర్ ఫర్ డిసీజ్ కంట్రోల్(CDC) ఆల్కాహాల్ను కేవలం శానిటైజర్స్ తయారీ కోసం వాడేందుకు మాత్రమే సిఫారసు చేసిన సంగతి తెలిసిందే. కరోనా వ్యాప్తి చెందకుండా శానిటైజర్ వాడాలని సూచించింది. అలాగే ప్రతీ ఒక్కరూ సోప్తో 20 సెకండ్ల పాటు చేతులను శుభ్రపరుచుకోవాలని సూచించింది.