పెళ్లి నుంచి టెక్కీ వెనక్కి: రేప్ కింద జీవిత ఖైదు
పొడనూరు సమీపంలోని శ్రీరాం నగర్కు చెందిన ఆర్ శాం ఓ అమ్మాయిని ప్రేమించాడు. పెళ్లి చేసుకుంటానని మాట ఇచ్చాడు. మత్తు పదార్థాలు కలిపిన శీతల పానీయాలు ఇచ్చి అతను 2007లో కొడైకెనాల్లో ఆమెపై పలుమార్లు అత్యాచారం చేశాడని ప్రాసిక్యూషన్ తరపు న్యాయవాది ఆరోపించారు.
కొడైకెనాల్ నుంచి తిరిగి వచ్చిన తర్వాత ఆ అమ్మాయిని తప్పించుకుని తిరుగుతున్నాడు. దాంతో ఆమె పోలీసులకు ఫిర్యాదు చేసింది. దాంతో పోలీసులు శాంను విచారించారు. ఇరువురి కుటుంబాలను పిలిపించి పెళ్లికి ఒప్పించారు. ఆ సమయానికి అతనికి 21 ఏళ్లు పూర్తి కాకపోవడంతో పెళ్లి సాధ్యం కాలేదు.
అయితే, పెళ్లి చేసుకుంటామని మాత్రం ఒప్పందం చేసుకుని, రింగులు మార్చుకున్నారు, ఫొటోలు తీసుకున్నారు. అయితే, ఆ తర్వాత శాం, అతని కుటుంబ సభ్యులు అమ్మాయిని తప్పించుకోవడం ప్రారంభించారు. ఇంటి నుంచి 6 లక్షల రూపాయలు తేవాలని కూడా వారు డిమాండ్ చేసినట్లు అమ్మాయి చెప్పింది. దాంతో అమ్మాయి కొత్తగా ఫిర్యాదు చేసింది. దాంతో శాంపై అత్యాచారం కింద కేసు నమోదు చేశారు. అత్యాచారం, కిడ్నాపింగ్, తప్పుడు వాగ్దానాల కింద శాం నేరం చేసినట్లు కోర్టు తేల్చి చెప్పింది.