రాహుల్ గాంధీ ప్రచారంలో ఓ యువతి సాహసం.. ఏం చేసిందంటే.. (వీడియో)
బుధవారం గుజరాత్ లోని బరూచ్ లో రాహుల్ గాంధీ ప్రచారానికి వెళ్లారు. బీజేపీ నేతలపై పంచ్లు వేస్తూ తమ నేతలు, కార్యకర్తల్లో ఉత్సాహం నింపుతున్నారు. ఇంతలో అనూహ్య సంఘటన జరిగింది.
అహ్మదాబాద్: ఏఐసీసీ ఉపాధ్యక్షుడు రాహుల్ గాంధీ ఎన్నికల ప్రచారంలో ఊహించని ఘటన చోటుచేసుకుంది. రాహుల్ తో సెల్ఫీ దిగేందుకు ఓ యువతి ఏకంగా సాహసమే చేసింది. అసలేం జరిగిందంటే...
రాహుల్ గాంధీ 'బ్లాక్ బెల్ట్': ఐకిడో స్టిల్స్ అదుర్స్(పిక్చర్స్)
గుజరాత్లో అసెంబ్లీ ఎన్నికల వేడి కొనసాగుతోంది. అధికార, విపక్ష పార్టీల నేతలు పోటాపోటీ ప్రచారంలో మునిగిపోయాయి. ఏఐసీసీ ఉపాధ్యక్షుడు రాహుల్ గాంధీ కూడా ఆయా ప్రాంతాల్లో జోరుగా ప్రచారంలో పాల్గొంటున్నారు.
బుధవారం గుజరాత్ లోని బరూచ్ లో రాహుల్ గాంధీ ప్రచారానికి వెళ్లారు. బీజేపీ నేతలపై పంచ్లు వేస్తూ తమ నేతలు, కార్యకర్తల్లో ఉత్సాహం నింపుతున్నారు. ఇంతలో అనూహ్య సంఘటన జరిగింది.
ఆయన వాహనంపై ఉండగా ఓ యువతి అందరూ చూస్తుండగానే వాహనంపైకి ఎక్కేసింది. రాహుల్ గాంధీ కూడా ఆమెను ఏమీ అనలేదు. వాహనంపైకి ఎక్కిన ఆమె రాహుల్ గాంధీ భుజంపై చేయి వేసింది.
ఆ తరువాత తన స్మార్ట్ఫోన్ తీసుకుని సెల్ఫీ దిగింది. అనంతరం రాహుల్కి ఆల్ ది బెస్ట్ చెప్పేసి దిగిపోయింది. ఆ అమ్మాయి చేసిన సాహసానికి అందరూ ఆశ్చర్యంగా అలా చూస్తూ ఉండిపోయారు. మరి మీరూ చూడండి...