ఇష్టం లేకున్నా సెక్స్: నిర్మాత మేనల్లుడిపై భార్య ఫిర్యాదు
ముంబై: తనకు ఇష్టం లేకున్నా తనను శరీరకంగా బలవంతంగా వాడుకుంటున్నాడని ఓ మహిళ తన భర్తపైనే పోలీసులకు ఫిర్యాదు చేసింది ఈ విచిత్రమైన ఘటన మహారాష్ట్ర రాజధాని ముంబైలో చోటు చేసుకుంది. అయితే, ఆమె ఫిర్యాదు చేసింది ఓ బాలీవుడ్ నిర్మాత మేనల్లుడిపై కావడం గమనార్హం.
ఆ మహిళ ఫిర్యాదు మేరకు వెర్సోవా పోలీసులు దర్యాప్తు చేస్తున్నారు. కాగా, తన భర్త తన నగలన్నీ తీసుకున్నాడని తన ఫిర్యాదులో పేర్కొంది. ఆ నగలు తనకిచ్చేందుకు నిరాకరిస్తున్నాడని చెప్పింది.
అంతేగాకుండా తన ఇష్టం లేకపోయినప్పటికీ తనతో బలవంతంగా శృుంగారం చేస్తున్నాడని పేర్కొంది. ఆమె ఫిర్యాదు మేరకు నిందితుడిపై సెక్షన్ 376(రేప్), 498(ఏ)(భార్య పట్ల క్రూరంగా ప్రవర్తించినందుకు) సెక్షన్ల కింద కేసు నమోదు చేసినట్లు పోలీసులు తెలిపారు.
ఈ కేసును దర్యాప్తు చేస్తున్నట్లు తెలిపారు. కాగా, సదరు నిందితుడు తన మామ నిర్మాత కావడంతో అతనికి సంబంధించిన ప్రొడక్షన్ హౌజ్ బాధ్యతలు చూసుకునేవాడని తెలుస్తోంది.