లవ్ జిహాద్: ప్రేమించి మతం మారాలంటూ బెదిరింపు, యూపీలో తొలి అరెస్ట్

లక్నో: బలవంతపు మతమార్పిడికి వ్యతిరేకంగా ఆర్డినెన్స్ తీసుకొచ్చిన కొద్ది రోజులకే ఉత్తరప్రదేశ్ రాష్ట్రంలోని బరేలీలో ఓ ముస్లిం యువకుడిని పోలీసులు అరెస్ట్ చేశారు. లవ్ జిహాద్‌పై మొదటి దావా డియోరానియా పోలీస్ స్టేషన్ నమోదైన ఐదు రోజుల తర్వాత నిందితుడిని అరెస్ట్ చేసి, జైలుకు పంపారు.

హిందూ యువతిని ప్రేమించి మతం మార్చుకోవాలని..

ఓ హిందూ యువతితో సంబంధం ఏర్పరచుకున్న 21ఏళ్ల ముస్లిం యువకుడు.. ఆమెను బలవంతంగా ఇస్లాం మతంలోకి మార్చేందుకు ప్రయత్నించాడు. కరోనా లాక్‌డౌన్ సమయంలో యువతి తండ్రి ఆమెకు మరొకరితో వివాహం చేశాడు.

చంపుతానంటూ బెదిరింపులు

పోలీసులకు అందిన ఫిర్యాదు ప్రకారం.. నిందితుడు ఆ యువతిని నవంబర 28న హత్య చేస్తానంటూ బెదిరింపులకు పాల్పడ్డాడు. ఈ క్రమంలో నిందితుడిపై యూపీ బలవంతపు మార్పిడి వ్యతిరేక చట్టం సెక్షన్ 3/5, సెక్షన్ 504, ఇండియన్ పీనల్ కోడ్ 506 సెక్షన్ల కింద బుధవారం నిందితుడిపై కేసు నమోదు చేశారు. ఆ తర్వాత నిందితుడ్ని అరెస్ట్ చేశారు. ఇంఛార్జీ ఎస్ఎస్పీ డాక్టర్ సన్సర్ సింగ్ ఈ మేరకు వివరాలను వెల్లడించారు.

లవ్ జిహాద్‌కు వ్యతిరేకంగా యూపీ కొత్త చట్టం

లవ్ జిహాద్ పేరుతో వివాహాల కోసం బలవంతపు మత మార్పిళ్లను ప్రోత్సహించడాన్ని నిషేధిస్తూ ఉత్తరప్రదేశ్ మంత్రివర్గం నవంబర్ 24న అత్యవసర ఆదేశాలు జారీ చేసింది. ఈ ఆర్డినెన్స్‌కు యూపీ గవర్నర్ ఆనందీబెన్ పటేల్ ఆమోదం తెలిపారు.
ఈ ఆర్డినెన్స్ ప్రకారం.. బలవంతపు మత మార్పిడికి పాల్పడితే 10 సంవత్సరాల జైలు శిక్షతోపాటు, రూ. 50 వేల జరిమానా విధిస్తారు. ఆ మహిళకు రూ. 5 లక్షల పరిహారం కూడా చెల్లించాల్సి ఉంటుంది.

పెళ్లి తర్వాత మతమార్పిడి చేస్తే..

వివాహానంతరం మత మార్పిడి జరిపితే జైలు శిక్ష, జరిమానా విధించడంతోపాటు ఆ విహాన్ని కూడా రద్దు చేయడం జరుగుతుంది. అయితే, ఒకవేళ వివాహం తర్వాత ఏ మహిళ అయినా మతం మార్చుకోవాలని భావిస్తే చట్టపరంగా ముందుకు వెళ్లాలి. జిల్లా కలెక్టర్‌కు దరఖాస్తు చేసుకోవాల్సి ఉంటుంది. యూపీతోపాటు పలు బీజేపీ పాలిత రాష్ట్రాలు కూడా ఈ చట్టాన్ని తెచ్చేందుకు కసరత్తులు చేస్తున్నాయి.

English summary

Days after the promulgation of the ordinance against forced conversion, a Muslim man was arrested in Bareilly, Uttar Pradesh. The arrest was made five days after the first lawsuit against love jihad was registered at Deorania police station, while the accused has been sent to jail.