చికాకు తెప్పించిన ఫ్లిప్కార్ట్ ‘ద బిగ్ బలియన్ డే’
న్యూఢిల్లీ: ఫ్లిప్కార్ట్ ‘ద బిగ్ బలియన్ డే'సేల్ వినియోగదారుల్ని నిరుత్సాహానికి గురి చేసింది. సోమవారం ఉదయం 8 గంటలకు ఈ కొత్త స్కీం ప్రారంభం కాగానే లక్షలాది మంది వినియోగదారులు తమ ఆర్డర్లతో ఫ్లిప్కార్ట్ వెబ్సైట్కు పోటెత్తారు.
భారీగా డిస్కౌంట్ ప్రకటించడంతో ఆర్డర్లను బుక్ చేసుకుందామని అనుకున్న వినియోగదారులకు ఫ్లిప్కార్ట్ చికాకు తెప్పించింది. అందుకు కారణం ఫ్లిప్కార్ట్ సర్వర్లు. ఒక్కసారిగా లక్షల మంది ఫ్లిప్కార్ట్ వెబ్సైట్ ద్వారా ఆర్డర్లను బుక్ చేసుకునేందుకు ప్రయత్నించగా సర్వర్లు మొరాయించాయి.
దీంతో వినియోగదారులు ట్విట్టర్లో ఫ్లిప్కార్ట్పై జోకులు వేస్తున్నారు. వస్తువును కొనుగోలు చేసేందుకు ప్రయత్నించగా అవుటాఫ్ స్టాక్, 505 ఎర్రర్, ముందు ప్రకటించిన ధరలు ఒక్కసారిగా పెరగడంతో వినియోగదారులు ట్విట్టర్లో రెచ్చిపోయారు.
ఫ్లిప్కార్ట్ ఎంతో ప్రతిష్టాత్మకంగా ప్రారంభించిన ‘ద బిగ్ బలియన్ డే'ప్రచార వ్యూహాం వినియోగదారుల్ని నిరుత్సాహపరించిందని అంటున్నారు. ఇదిలా ఉంటే, ‘ద బిగ్ బలియన్ డే'పథకం కింద, సోమవారం తాము రికార్డు స్థాయిలో ఆర్డర్లను సాధించామని ఫ్లిప్ కార్ట్ ప్రకటించింది.
ఈ ఆర్డర్ల ద్వారా వివిధ వస్తువులను వినియోగదారులకు చేరవేసేందుకు 10 వేల మంది సిబ్బందిని రంగంలోకి దింపుతున్నట్లు వెల్లడించింది.