వీడియో కలకలం: పోలీస్ స్టేషన్పై విదేశీ జంట శృంగార కార్యకలాపాలు!
ఉదయ్పూర్: ఓ పోలీస్ స్టేషన్ భవనంపై విదేశీ జంట ఏకాంతంగా గడిపిన వీడియో ఇప్పుడు రాజస్థాన్లో సంచలనంగా మారింది. సోషల్ మీడియాలో ఆ వీడియో వైరల్ అవడంతో పోలీసులపై విమర్శలు వెల్లువెత్తుతున్నాయి.
ఏకంగా పోలీస్ స్టేషన్ భవనంపైనే బహిరంగంగా ఇలా రొమాన్స్ చేసుకుంటుంటే పోలీసులు ఏం చేస్తున్నారని నెటిజన్లు మండిపడుతున్నారు. ఉదయ్పూర్లో చోటు చేసుకున్న ఈ ఘటనపై పోలీసు ఉన్నతాధికారులు స్పందించారు.
స్థానిక ఎస్పీ రాజేంద్ర ప్రసాద్ గోయల్ తెలిపిన వివరాల ప్రకారం.. ఉదయ్పూర్ పరిధిలోని ఘంటానగర్ పోలీస్ స్టేషన్ మీద కొద్ది రోజుల కిందట విదేశానికి చెందిన ఓ జంట శృంగారంలో పాల్గొన్నట్లు ఆరోపణలు వచ్చాయి. ఆ వీడియో సోషల్ మీడియాలో వైరల్ అవుతున్న మాట నిజమే కానీ, ఇది ఎక్కడ జరిగింది? ఎవరైనా మార్ఫింగ్ చేసి ఇలా చేశారా? అనే కోణంలో విచారణ జరుపుతున్నామని ఎస్పీ వెల్లడించారు.
పోలీస్ స్టేషన్పై ఇలాంటి ఘటనలకు ఆస్కారం లేదని ఆయన అన్నారు. కాగా, ఆ పోలీస్ స్టేషన్పైనే ఈ అసాంఘిక కార్యకలాపాలు జరిగాయని స్థానికులు చెబుతుండటం గమనార్హం.
అంతేగాక, పోలీస్ స్టేషన్ లోపలి నుంచే టెర్రాస్ మీదకు వెళ్లేందుకు వీలుందని చెబుతున్నారు. అంటే విదేశీ జంటకు స్టేషన్లోని పోలీసులే సహకరించివుంటారని అనుమానిస్తున్నారు. ఈ విషయంపై ఉన్నతాధికారులు కఠిన చర్యలు తీసుకోవాలని డిమాండ్ చేస్తున్నారు.