గిరీష్ కర్నాడ్ నిన్ను చంపేస్తా: నటుడు, దర్శకుడు

బెంగళూరు: ప్రముఖ నటుడు, రచయిత, జ్ఞానపీఠ అవార్డు గ్రహీత గిరీష్ కర్నాడ్ ను చంపేస్తానని, కన్నడ నటుడు, దర్శకుడు హుచ్చా వెంకట్ (పిచ్చి వెంకట్) సంచలన వ్యాఖ్యలు చేశాడు. ఇప్పుడు తానుబయటకు వచ్చానని, ఇష్టం వచ్చినట్లు మాట్లాడితే సహించనని హెచ్చరించాడు.

కన్నడ బిగ్ బాస్ రియాల్టీ షోలో పాల్గొన్న హుచ్చా వెంకట్ అదే షోలో పాల్గొన్న గాయకుడు రవి మరూర్ గూబ పగలగొట్టి బయటకు వచ్చాడు. బిగ్ బాస్ రియాల్టీ షో నుంచి బయటకు వచ్చిన వెంటనే హుచ్చా వెంకట్ గిరీష్ కర్నాడ్ ను చంపేస్తానని హెచ్చరించాడు.

నువ్వు ఏమనుకుంటున్నావ్ హిందువుల విరోధి అయిన టిప్పు సుల్తాన్ గురించి మాట్లాడుతావా, కెంపేగౌడ అంతర్జాతీయ విమానాశ్రయానికి టిప్పు సుల్తాన్ పేరు పెట్టాలని సూచిస్తావా అంటూ హుచ్చా వెంకట్ వార్నింగ్ ఇచ్చాడు.

ఇప్పుడు తాను బిగ్ బాస్ రియాల్టీ షో నుంచి బయటకు వచ్చానని, నీ అంతు చూస్తానని గిరీష్ కర్నాడ్ ను హెచ్చరించాడు. టిప్పు సుల్తాన్ చరిత్ర గురించి తెలుసుకుని తరువాత మాట్లాడాలని గిరీష్ కర్నాడ్ కు సూచించాడు.

వెయ్యి మంది వెళ్లి గిరీష్ కర్నాడ్ ను చంపేస్తే అందరిని జైలులో పెడుతారా అని హుచ్చా వెంకట్ మీడియాను ప్రశ్నించారు. అయితే గిరీష్ కర్నాడ్ ఇప్పటి వరకు ఈ విషయంపై ఫిర్యాదు చెయ్యలేదని పోలీసు అధికారులు అంటున్నారు.

English summary

Girish Karnad received death threats from Bigg Boss Kannada 3 contestant, Director, Actor Huccha Venkat. The controversy raged in Karnataka over the birth anniversary celebrations of 18th century Mysore ruler Tipu Sultan.