బెంబేలెత్తిపోయిన బాలుడు... మహిళా టీచర్ లైంగిక వేధింపులు... వెలుగులోకి దారుణం...
ఓ మహిళా టీచర్ వద్ద మ్యాథ్స్ ట్యూషన్ కోసం వెళ్లిన బాలుడు ఆమె చేతిలో లైంగిక వేధింపులకు గురయ్యాడు. విద్యాబుద్దులు చెప్పాల్సిన ఆ టీచర్ కామవాంఛతో అతని పట్ల అసభ్యంగా ప్రవర్తించింది. ఆమె చేష్టలకు బెంబేలెత్తిపోయిన బాలుడు.. విషయం తల్లిదండ్రులతో చెప్పాడు. దీంతో వారు పోలీసులకు ఫిర్యాదు చేయడంతో ఈ ఘటన వెలుగుచూసింది.
ఉత్తరాఖండ్లోని డెహ్రాడూన్ పరిధిలో ఉన్న జ్వాలాపూర్లో ఈ దారుణం వెలుగుచూసింది. స్థానికంగా నివసించే ఓ మహిళ ప్రభుత్వ పాఠశాలలో ఉపాధ్యాయురాలిగా పనిచేస్తోంది. ఇంటి వద్ద పిల్లలకు ట్యూషన్లు కూడా చెబుతోంది. ఈ క్రమంలో స్థానిక బాలుడు ఒకరు ఆమె వద్ద మ్యాథ్స్ ట్యూషన్ కోసం చేరాడు. అయితే సదరు మహిళా టీచర్ మాత్రం బాలుడికి లెక్కల పాఠాలు చెప్పాల్సిందిపోయి లైంగికంగా వేధించడం మొదలుపెట్టింది. ఈ నెల 21న బాలుడు ట్యూషన్ కోసం ఆమె ఇంటికి వెళ్లినప్పుడు ఆమె చేష్టలకు అతను బెంబేలెత్తిపోయాడు.
టీచర్ తన పట్ల ప్రవర్తిస్తున్న తీరు గురించి తల్లిదండ్రులతో చెప్పాడు. దీంతో వారు పోలీసులను ఆశ్రయించారు. బాధిత బాలుడి తల్లిదండ్రుల ఫిర్యాదు మేరకు పోలీసులు ఆ టీచర్పై పోక్సో చట్టం కింద కేసు నమోదు చేశారు. విషయం విద్యా శాఖ దృష్టికి వెళ్లడంతో ఆ టీచర్ను స్కూల్ నుంచి తొలగించారు. దీనిపై విచారణ పూర్తయి నిజానిజాలు తేలేంతవరకూ ఆమెపై సస్పెన్షన్ వేటు కొనసాగుతుందన్నారు.
గతంలోనూ పలుచోట్ల ఇలాంటి ఘటనలు చోటు చేసుకున్నాయి. ట్యూషన్ పేరుతో బాలుడిపై లైంగిక వేధింపులకు పాల్పడిన ఓ టీచర్ను అరెస్ట్ చేసిన ఘటన రెండేళ్ల క్రితం చంఢీగఢ్లో చోటు చేసుకుంది. 34 ఏళ్ల ఆ మహిళా టీచర్ తన ఇంటి పక్కనే ఉండే 14 ఏళ్ల బాలుడిని లైంగికంగా వేధించింది. పదో తరగతి చదువుతున్న బాలుడికి, అతని చెల్లికి ఆమె రెండేళ్లుగా ట్యూషన్ చెప్తున్నారు. అయితే ఆ ఇద్దరినీ వేర్వేరుగా ట్యూషన్కు పంపించాలని కోరిన ఆ టీచర్... బాలుడు ఆమె వద్దకు వెళ్లిన సమయంలో లైంగికంగా వేధించినట్లు అతని తల్లిదండ్రులు ఆరోపించారు.