వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

విషాదం: పేలిన గిఫ్ట్ బాంబు, కొత్త పెళ్లికొడుకు దుర్మరణం, పెళ్లికూతురి పరిస్థితి విషమం

By Ramesh Babu
|
Google Oneindia TeluguNews

Recommended Video

పెళ్లి గిఫ్టు లో బాంబు, పెళ్లికొడుకు దుర్మరణం, పెళ్లికూతురి పరిస్థితి విషమం

పట్నాగర్: ఒడిశాలోని బొలాంగిర్ జిల్లాలో విషాదం చోటుచేసుకుంది. పెళ్లికి వచ్చిన గిఫ్టులు విప్పి చూస్తుండగా ఓ గిఫ్టులోని బాంబు పేలింది. ఈ ఘటనలో కొత్త పెళ్లికొడుకు, అతడి నాయనమ్మ, పెళ్లికూతురు తీవ్రంగా గాయపడ్డారు. వారిని చికిత్స నిమిత్తం సమీపంలోని ఆసుపత్రికి తరలించగా అక్కడ చికిత్స పొందుతూ కొత్తపెళ్లికొడుకు అతడి నాయనమ్మ మరణించారు. మరోవైపు పెళ్లికూతురి పరిస్థితి కూడా విషమంగా ఉన్నట్లు సమాచారం.

అసలేం జరిగిందంటే... బొలాంగిర్ జిల్లాలోని పట్నాగర్‌ బ్రహ్మపురాకు చెందిన సౌమ్య శేఖర్ సాహు, రీమా సాహులకు ఫిబ్రవరి 18న వివాహమైంది. అనంతరం వీరు ఫిబ్రవరి 21న రిసెప్షన్ ఇచ్చారు. ఆ సమయంలో నూతన వధూవరులకు అభినందనలు తెలిపేందుకు విచ్చేసిన అతిథులు పలు గిఫ్ట్‌లు అందజేశారు.

gift-bomb-explosion

శుక్రవారం కొత్త పెళ్లికొడుకు సౌమ్య శేఖర్ సాహు, అతడి భార్య రీమా సాహు తమ వివాహం సందర్భంగా బంధుమిత్రులు అందజేసిన గిఫ్టులను విప్పి చూస్తున్నారు. ఓ గిఫ్టును విప్పగానే అందులోని బాంబు పెద్ద శబ్దంతో పేలిపోయింది. ఈ ఘటనలో సౌమ్యశేఖర్, రీమాలతోపాటు సౌమ్యశేఖర్ నాయనమ్మ కూడా తీవ్రంగా గాయపడ్డారు.

బంధవులు వారిని చికిత్స నిమిత్తం తొలుత పట్నాగర్‌లోని ఆసుపత్రికి, ఆ తరువాత బొలాంగిర్‌లోని ఆసుపత్రికి తరలించారు. అక్కడ చికిత్స పొందుతూ సౌమ్యశేఖర్ నాయనమ్మ మరణించింది. మెరుగైన చికిత్స నిమిత్తం కొత్తపెళ్లికొడుకు సౌమ్యశేఖర్‌ను బర్లాలోని ఆసుపత్రికి తరలించినా ఫలితం లేకపోయింది. మరోవైపు కొత్తపెళ్లికూతురు రీమా సాహు పరిస్థితి కూడా విషమంగా ఉన్నట్లు తెలుస్తోంది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

English summary
In a tragic incident, a groom and his grandmother were killed after a parcel bomb received by them exploded on Friday in Patnagarh in Odisha's Bolangir district. The bride too was critically injured in the incident. The grandmother was rushed for treatment at the Bolangir hospital where she later died. The incident took place after the family, living in Brahmapura area, opened the parcel containing the bomb. The injured were taken to Patnagarh hospital initially. However, later the bride and the grandmother were shifted to the Bolangir hospital after their condition deteriorated. Meanwhile, the groom, who was shifted to Burla hospital, too died. As per reports, the couple, Soumya Sekhar Sahu and Reema Sahu got married on February 18, 2018. The packet was supposedly presented to the couple by an unidentified guest during their reception held on February 21, 2018. The incident took place when they, along with other family members were unwrapping gifts on Friday. This is when one of them exploded. The explosion was reportedly caused due to crude bomb.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X