ఏమడిగినా అదే జవాబు: పోలీసులకు హనీప్రీత్ చుక్కలు, ఎదురు ప్రశ్న
డేరా బాబా దత్త పుత్రిక హనీప్రీత్ను మంగళవారం అరెస్టు చేసిన పోలీసులు బుధవారం వేకువజాము వరకు విచారించారు. అనంతరం ఉదయం కోర్టులో ప్రవేశ పెట్టారు. కోర్టు అనుమతితో ఆమెను మళ్లీ ఆరు రోజుల కస్టడీకి తీసుకున్నా
Recommended Video
ఢిల్లీ: డేరా బాబా దత్త పుత్రిక హనీప్రీత్ను మంగళవారం అరెస్టు చేసిన పోలీసులు బుధవారం వేకువజాము వరకు విచారించారు. అనంతరం ఉదయం కోర్టులో ప్రవేశ పెట్టారు. కోర్టు అనుమతితో ఆమెను మళ్లీ ఆరు రోజుల కస్టడీకి తీసుకున్నారు.
గుర్మీత్ నాకు తండ్రి, అన్నీ చెప్పేస్తా: కోర్టులో ఏడ్చేసిన హనీప్రీత్
పోలీసులకు చుక్కలు చూపుతున్న హనీప్రీత్
అయితే, పోలీసులు అడిగిన ప్రశ్నలకు హనీప్రీత్ సరైన సమాధానాలు చెప్పలేదని తెలుస్తోంది. ఆమె ఒక్క ప్రశ్నకు కూడా సరైన సమాధానం చెప్పలేదని తెలుస్తోంది. తాను పోలీసులకు సహకరిస్తానని, వారు అడిగిన ప్రశ్నలకు సమాధానం చెబుతానని చెప్పింది. కానీ వారికి మాత్రం విచారణ సమయంలో చుక్కలు చూపిస్తోందని తెలుస్తోంది.
హనీప్రీత్ నోరు విప్పడం లేదు
డేరాతో, డేరా చీఫ్ గుర్మీత్ తో ఆమెకున్న సంబంధాలు, గుర్మీత్ కు శిక్షపడిన తరువాత జరిగిన విధ్వంసం వెనుక ఆమె హస్తం తదితరాలపై హర్యానా పోలీసులు ఎంతగా గుచ్చిగుచ్చి అడుగుతున్నా ఆమె నోరు విప్పడం లేదని అంటున్నారు.
ఏమడిగినా 'నాకు తెలియదు, కాదు, లేదు'
ప్రతి ప్రశ్నకూ హనీప్రీత్ నుంచి నాకు తెలియదు, లేదు, కాదు అన్న సమాధానాలే వస్తున్నాయని తెలుస్తోంది. బుధవారం సాయంత్రం నుంచి దాదాపు నాలుగైదు గంటల విచారించారు. తిరిగి గురువారం ఉదయం తిరిగి విచారణ ప్రారంభమైంది.
దేశద్రోహం కేసుపై ఎదురు ప్రశ్న
హనీప్రీత్ విచారణకు సహకరించడం లేదని, తనపై ఆరోపణలు తప్పుడువని ఆమె చెబుతోందని పోలీసు అంటున్నారు. తనపై దేశద్రోహం కేసు ఎందుకు పెట్టారని హనీప్రీత్ ఎదురు ప్రశ్నించినట్టు సమాచారం. ఇక నిజాలను కక్కించేందుకు తమ వద్ద ఉన్న ఆధారాలను ఆమె ముందు ఉంచనున్నారని తెలుస్తోంది. విచారణ ప్రాంతంలో గట్టి బందోబస్తు ఏర్పాటు చేశారు.