కర్ణాటక సీఎంగా కుమారస్వామి, డేట్ ఫిక్స్: తిరుగుబాటు నేతలకు సినిమా, మంత్రి పదవులు!
బెంగళూరు: కర్ణాటక ముఖ్యమంత్రిగా బీఎస్ యడ్యూరప్ప ప్రమాణస్వీకారం చేసిన మూడు రోజులకే మెజారిటీ శాసన సభ్యల మద్దతు లేదని సీఎం పదవికి రాజీనామా చేశారు. కాంగ్రెస్, జేడీఎస్ పార్టీలు సంకీర్ణ ప్రభుత్వం ఏర్పాటు చెయ్యడానికి సంబరాలు చేసుకుంటున్నారు. హెచ్.డి. కుమారస్వామి సీఎంగా ప్రమాణస్వీకారం చేసి తిరుగుబాటు దారులు సినిమా చూపించడానికి సిద్దం అవుతున్నారు.
గవర్నర్ కు లేఖలు
గవర్నర్ వాజుబాయ్ వాలాకు ఇప్పటికే సంకీర్ణ ప్రభుత్వాన్ని ఏర్పాటు చెయ్యడానికి అవకాశం ఇవ్వాలని మనవి చేస్తూ కాంగ్రెస్, జేడీఎస్ పార్టీలు లేఖలు ఇచ్చాయి. కర్ణాటక ముఖ్యమంత్రిగా సోమవారం హెచ్.డి. కుమారస్వామి ప్రమాణస్వీకారం చెయ్యడానికి సిద్దం అవుతున్నారు.
మంత్రి పదవులు
కర్ణాటకలో మంత్రి వర్గం ఏర్పాటు చెయ్యడం కాంగ్రెస్, జేడీఎస్ పార్టీలకు పెద్ద తలనొప్పిగా తయారైయ్యింది. కాంగ్రెస్, జేడీఎస్ లకు చెందిన సీనియర్ ఎమ్మెల్యేల మంత్రి పదవులు ఇవే అంటూ సోషల్ మీడియాలో ఓ లిస్టు వైరల్ అయ్యింది.
సిద్దూకు చాన్స్ లేదు
కర్ణాటక మాజీ ముఖ్యమంత్రి సిద్దరామయ్య మళ్లీ మంత్రి పదవి చేపట్టే అవకాశం లేదు. ఇక జేడీఎస్ మీద తిరుగుబాటు చేసి మాజీ ప్రధాని హెచ్ డీ దేవేగౌడ, హెచ్.డి. కుమారస్వామి మీద తీవ్రస్థాయిలో విమర్శలు చేసి కాంగ్రెస్ పార్టీలో చేరిన జమీర్ అహమ్మద్ తదితర ఎమ్మెల్యేలలో ఒక్కరికీ మంత్రి పదవి వచ్చే అవకాశం లేదు.
తిరుగుబాటు నేతలకు సినిమా
హెచ్.డి. కుమారస్వామి సీఎం అయన తరువాత జేడీఎస్ మీద తిరుబాటు చేసి కాంగ్రెస్ లో చేరిన నాయకులకు సినిమా చూపిస్తారని సమాచారం. ఇప్పటికే హెచ్.డి. కుమారస్వామి మీద తిరుగుబాటు చేసి కాంగ్రెస్ లో చేరిన నాయకులు హడలిపోతున్నారు.
మాజీ ప్రధాని ఆశీస్సులు
మాజీ ప్రధాని హెచ్.డి. దేవేగౌడ, హెచ్ డి. కుమారస్వామికి నమ్మకంగా ఉన్న ఎమ్మెల్యేలు, ఎమ్మెల్సీలతో పాటు చాముండేశ్వరిలో సీఎంను ఓడించిన జీటీ. దేవేగౌడకు మంత్రి పదవులు గ్యారెంటీ అని సమాచారం. ఇక జేడీఎస్ నుంచి బయటకు వచ్చి సీఎం సిద్దరామయ్యకు సన్నిహితంగా ఉన్న నాయకులకు మంత్రి పదవులు వచ్చే అవకాశం లేదని జేడీఎస్ వర్గాలు అంటున్నాయి.