వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

హిందువులంటే బీజేపీ కాదు... ఆర్ఎస్ఎస్ నేత భయ్యాజీ జోషీ ఆసక్తికర వ్యాఖ్యలు

|
Google Oneindia TeluguNews

బీజేపీని వ్యతిరేకించినంత మాత్రాన హిందువులను వ్యతిరేకించినట్టు కాదని ఆర్ఎస్ఎస్ జనరల్ సెక్రటరీ భయ్యాజీ జోషీ అన్నారు. హిందువులంటే భారతీయ జనతా పార్టీ కాదని,కాబట్టి ఆ పార్టీతో విభేదించడాన్ని హిందు కమ్యూనిటీకి ఆపాదించలేమని వ్యాఖ్యానించారు. రాజకీయ పోరాటం కొనసాగుతూనే ఉంటుందని,కానీ దాన్ని హిందువులకు ముడిపెట్టి చూడలేమని అన్నారు. గోవాలని డోనా పౌలాలో జరిగిన ఓ కార్యక్రమంలో భయ్యాజీ మాట్లాడారు.

భారత్‌లో పనిచేయాలనుకునే ఎవరైనా.. ఇక్కడి హిందువులతో కలిసి పనిచేస్తూ.. వారి సాధికారత కోసం కృషి చేయాల్సి ఉంటుందన్నారు.చరితగ్రతిలో హిందువులు ఎన్నో ఉత్థాన పతనాలు చవిచూశారని గుర్తుచేశారు. భారత్‌ను హిందూ సమాజం నుంచి విడదీసి చూడలేమని.. ఈ దేశంలో ఎప్పటికీ హిందువులదే కీలక స్థానమని చెప్పారు.

Hindu community does not mean Bharatiya Janata Party says bhaiyyaji joshi

2020లో భారత్ సూపర్ పవర్‌గా అవతరించబోతుందని ప్రపంచమంతా చెబుతోందని భయ్యాజీ అన్నారు. కానీ ఓ మేధావి తనతో అన్న మాటలు గుర్తున్నాయని... భారత్ 2020లో గొప్ప దేశంగా అవతరించాలని ఆకాంక్షిస్తున్నట్టు ఆయన చెప్పారని అన్నారు. హిందువులు ఎప్పుడూ ఇతర దేశాలపై దాడి చేయలేదని జోషి గుర్తుచేశారు. ఏ యుద్ధం చేసినా.. ఆత్మరక్షణ కోసమేనని అన్నారు. ప్రతి ఒక్కరికీ ఆత్మరక్షణ హక్కు ఉందన్నారు.

ప్రపంచానికి సమన్వయ మార్గాన్ని బోధించాల్సిన బాధ్యత భారత్‌పై ఉందన్నారు. భారత్,హిందువులు తప్ప ఈ పనిని మరొకరు నిర్వర్తించలేరని అభిప్రాయపడ్డారు. అంతకుముందు పౌరసత్వ సవరణ చట్టం(CAA) గురించి మాట్లాడిన ఆయన.. కేంద్రం ఆ చట్టాన్ని ఆమోదించిందన్నారు. రాజ్యాంగానికి లోబడి ఆ చట్టాన్ని ప్రభుత్వం అమలుచేయాల్సిన బాధ్యత ఉందన్నారు. కేంద్రం చేసిన చట్టాలను తిరస్కరించే హక్కు రాష్ట్రాలకు లేదన్నారు.

English summary
Rashtriya Swayamsevak Sangh (RSS) general secretary Suresh Bhaiyyaji Joshi on Sunday said that the Hindu community is not synonymous with the Bharatiya Janata Party (BJP) and that opposing BJP does not amount to opposing Hindus.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X