కెమెరాకు చిక్కిన హిట్ అండ్ రన్: మహిళను లాక్కెళ్లిన కారు

ముంబై: మహారాష్ట్ర రాజధాని ముంబైలో ఓ మహిళను కారు ఢీకొట్టింది. అనంతరం ఆమెను కొంత దూరం లాక్కెళ్లింది. ఇందుకు సంబంధించిన వీడియో ఇంటర్నెట్లో హల్ చల్ చేస్తోంది. ఈ సంఘటన ఈ నెల ప్రథమార్థంలో జరిగింది. ప్రమాదం అక్కడున్న సీసీటీవీ కెమెరాల్లో రికార్డయింది.

డిసెంబర్ 8వ తేదీన ఉదయం ఆరు గంటలకు ప్రమాదం జరిగింది. ఫుటేజీలో... మహిళ రోడ్డును క్రాస్ చేస్తుండగా కారు వచ్చి ఢీకొట్టింది. ఆమె కిందపడిపోయింది. అనంతరం ఆ కారు ఆమెను కొంత దూరం లాక్కెళ్లింది. ఈ సంఘటన గోరేగావ్ ప్రాంతంలో చోటు చేసుకుంది.

అయితే, ఈ ప్రమాదం జరిగిన కారును, డ్రైవర్‌ను పోలీసులు ఇంకా గుర్తించలేదు. ఉదయమే ఈ ప్రమాదం జరిగినందున కారు, అందులోని డ్రైవర్ స్పష్టంగా కనిపించడం లేదని తెలుస్తోంది. బాధితురాలు మాత్రం తీవ్రంగా గాయపడింది. ప్రస్తుతం ఆమె వెంటిలెటర్ పైన ఉంది.

English summary

A woman is fighting for her life after being hit and dragged by a car in Mumbai earlier this month. The accident, which was caught on CCTV cameras, took place on December 8 at around 6 am. The footage shows the woman crossing the road when a car hit her, raising her off the ground and then dragging her for several feet in Mumbai's Goregaon suburb. Despite getting hold of the CCTV footage, the police is clueless about the car and its driver.