కేంద్ర మంత్రి షిండేకు ట్రాక్టర్: ఆయన భార్యకు టెంపో
మహారాష్ట్రలోని షోలాపూర్ లోకసభ స్థానం నుంచి కాంగ్రెసు అభ్యర్థిగా నామినేషన్ దాఖలు చేసిన షిండే తన ఆస్తుల వివరాలను తెలుపుతూ అఫిడవిట్ దాఖలు చేశారు. తనకు 6.18 కోట్ల రూపాయల విలువ చేసే చరాస్థులు ఉన్నట్లు, తన భార్యకు 2.4 కోట్ల రూపాయల విలువ చేసే చరాస్తులు ఉన్నట్లు ఆయన తెలిపారు. ఇందులో 30 లక్షల రూపాయల విలువ చేసే ఆభరణాలు కూడా ఉన్నాయి.
షిండే కుబోటా ట్రాక్టర్ 2011 మోడల్. దాని విలువ 5.72 లక్షల రూపాయలు. ఆయన భార్య పేరు మీద ఉన్న టెంపో విలువ 7.3 లక్షల రూపాయలు. షిండే స్థిరాస్తుల్లో వ్యవసాయ భూమి, ఫామ్ హౌస్లు, ఫ్లాట్స్, నివేశన స్థలాలు ఉన్నాయి.
తన పేరు మీద మొత్తం 5.8 కోట్ల రూపాయల విలువ చేసే ఆస్తులు, భార్య పేరు మీద 9.08 కోట్ల రూపాయల విలువ చేసే ఆస్తులు ఉన్నట్లు షిండే తెలిపారు. షిండేకు 1.5 లక్షల అప్పు ఉంది. తన వృత్తిని వ్యవసాయం, సామాజిక సేవగా ఆయన పేర్కొన్నారు. ఆయనకు ఎల్ఎల్బి డిగ్రీ ఉంది.