• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

స్వలింగ సంపర్కం పాపం... వారికి దేవుడి ఆశీర్వాదాలు ఉండవన్న వాటికన్‌ -News reel

By BBC News తెలుగు
|

స్వలింగ సంపర్కం

స్వలింగ సంపర్కుల మధ్య వివాహాలను ఆశీర్వదించే అధికారం క్యాథలిక్ చర్చికి లేదని వాటికన్‌లో చర్చి నిబంధనావళిని రూపొందించే 'కాంగ్రిగేషన్‌ ఫర్‌ ది డాక్ట్రిన్‌ ఆఫ్‌ ది ఫెయిత్‌ (సీడీఎఫ్‌) అని వ్యవహరించే క్రైస్తవ మతాధిపతుల బృందం స్పష్టం చేసింది.

ఆ పాపపు పనిని దేవుడు ఆశీర్వదించడని మత పెద్దలు సోమవారం నాడు వెల్లడించారు. స్వలింగ సంపర్కులైన వ్యక్తుల మధ్య వివాహాలను చర్చి సమర్ధిస్తుందా అన్న ప్రశ్నకు 'లేదు' అని సీడీఎఫ్ సమాధానమివ్వగా, ఈ స్పందనను పోప్‌ ఆమోదించారు.

స్వలింగ సంపర్కులు పెళ్లి చేసుకోవడాన్ని అనుమతించ వచ్చని గత అక్టోబర్‌లో పోప్‌ ఫ్రాన్సిస్‌ ఓ డాక్యుమెంటరీలో పేర్కొన్నారు.

ఇటీవలి కాలంలో అమెరికా, జర్మనీ సహా పలు దేశాలలోని చర్చి సంఘాలు స్వలింగ సంపర్కుల మధ్య వివాహాలను ఆమోదిస్తున్నాయని, స్వలింగ సంపర్కులను కూడా చర్చికి రప్పించడంలో భాగంగా ఇలా చేస్తున్నట్లు రాయిటర్స్‌ వార్తా సంస్థ తెలిపింది.

అయితే స్త్రీ, పురుషుల మధ్య వివాహాలే పవిత్రమైనవని, ఒకే లింగానికి చెందిన వ్యక్తుల మధ్య సంబంధాలు అపవిత్రమని సీడీఎఫ్‌ స్పష్టం చేసింది.

స్వలింగ సంపర్కులను ఆమోదించడానికి నిరాకరించడానికి తానెవరినని 2013 లో పోప్‌ ఫ్రాన్సిస్‌ సంచలన వ్యాఖ్యలు చేశారు.

గత ఏడాది ఓ డాక్యుమెంటరీలో మాట్లాడుతూ "ఒక కుటుంబంగా ఏర్పడటానికి స్వలింగ సంపర్కులకు అన్ని హక్కులు ఉన్నాయి, వారు కూడా దేవుడి బిడ్డలే. వారిని పక్కనబెట్టలేం.'' అని వ్యాఖ్యానించారు.

పోప్‌ వేరే సందర్భంలో చేసిన వ్యాఖ్యలను తప్పుగా అన్వయించారని ఆ తర్వాత చర్చి దీనిపై వివరణ ఇచ్చింది.

ఇవి కూడా చదవండి:

(బీబీసీ తెలుగును ఫేస్‌బుక్, ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి)

English summary
Homosexuality is a sin,God will never bless them says Vatican‌
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X