అగ్ని-4 పరీక్ష విజయవంతం.. మరింత బలపడిన అణ్వస్త్ర సామర్థ్యం

భారత అమ్ముల పొదిలో మరో అస్త్రం చేరింది. అగ్ని-4 క్షిపణి పరీక్ష సక్సెస్ అయ్యింది. దీంతో భారత్ అణ్వస్త్ర సామర్థ్యం మరింత బలపడింది. కేంద్ర స్ట్రాటజిక్ ఫోర్సెస్ కమాండ్ ఆధ్వర్యంలో పరీక్ష నిర్వహించారు. అణ్వాయుధ సహిత అగ్ని-4 క్షిపణి రేంజి 4 వేల కిలోమీటర్లు కాగా.. ఇది ఐఆర్ బీఎమ్ (ఇంటర్మీడియట్ రేంజి బాలిస్టిక్ మిస్సైల్) శ్రేణికి చెందినది అని రక్షణ మంత్రిత్వ శాఖ వెల్లడించింది.

సోమవారం రాత్రి 7.30 గంటలకు ఒడిశాలోని అబ్దుల్ కలాం ఐలాండ్ నుంచి ప్రయోగించారు. సాధారణ ప్రక్రియలో భాగంగా పరీక్ష చేశారు. ఈ ప్రయోగం ద్వారా అగ్ని-4లో అన్ని వ్యవస్థలు సజావుగా పనిచేస్తున్నాయని తేలింది. క్షిపణి విశ్వసనీయత మరోసారి ప్రూవ్ అయ్యిందని రక్షణ శాఖ పేర్కొంది. లోపాలకు తావులేని రీతిలో కనీస నిరోధ సామర్థ్యాన్ని కలిగి ఉండాలనే భారత్ విధానాన్ని ఈ పరీక్ష మరోసారి చాటిచెప్పిందని వివరించింది.

English summary

India on Monday successfully test fired long-range ballistic missile Agni-IV APJ Abdul Kalam Island, Odisha. The missile is nuclear-capable and has a strike range of 4,000 km.