హేమాహేమీల మధ్య ఉద్ధవ్ ప్రమాణం: స్పెషల్ అట్రాక్షన్..ముఖేష్ అంబానీ ఫ్యామిలీ..సోనియా, రాహుల్ డుమ్మా
ముంబై: ముంబైలోని శివాజీ పార్కులో వేలాదిమంది అభిమానులు, కార్యకర్తల మధ్య మహారాష్ట్ర ముఖ్యమంత్రిగా ఉద్ధవ్ థాకరే ప్రమాణ స్వీకారం చేశారు. మహారాష్ట్రకు ఆయన 19వ ముఖ్యమంత్రి. శివసేన నుంచి ముఖ్యమంత్రిగా ప్రమాణ స్వీకారం చేసిన మూడో నాయకుడు. థాకరేల కుటుంబం నుంచి తొలి నాయకుడు. ఈ కార్యక్రమానికి దాదాపు అన్ని పార్టీల నుంచీ సీనియర్ నాయకులు హాజరయ్యారు. ఉద్ధవ్ థాకరేకు అభినందనలను తెలిపారు.
మహారాష్ట్రలో థాకరే శకం: ముఖ్యమంత్రిగా ఉద్ధవ్ ప్రమాణం: మరో ఆరుమంది..!
భార్య, కుమారుడితో కలిసి ముఖేష్ అంబానీ..
ఉద్ధవ్ థాకరే ప్రమాణ స్వీకారానికి పారిశ్రామిక దిగ్గజం, బిగ్ షాట్ ముఖేష్ అంబానీ హాజరయ్యారు. తన కుటుంబంతో సహా ఆయన ఈ కార్యక్రమంలో పాల్గొన్నారు. భార్య నీతా అంబానీ, కుమారుడు అనంత్ అంబానీలతో కలిసి ఆయన హాజరయ్యారు. ప్రమాణ స్వీకారం వేదికపై ముఖేష్ అంబానీ ముందు వరుసలో ఆసీనులయ్యారు. నీతా అంబానీ, అనంత్ అంబానీ వీవీఐపీల కోసం కేటాయించిన గ్యాలరీలో కూర్చున్నారు.
దేవేంద్ర ఫడ్నవీస్ హాజరు.. సోనియా, రాహుల్ డుమ్మా
ఉద్ధవ్ థాకరే ప్రమాణ స్వీకారోత్సవానికి భారతీయ జనతా పార్టీ సీనియర్ నాయకుడు, మాజీ ముఖ్యమంత్రి దేవేంద్ర ఫడ్నవీస్ హాజరయ్యారు. ఆయనతో పాటు బీజేపీకి చెందిన కొందరు సీనియర్ నాయకులు, మాజీమంత్రులు ఈ కార్యక్రమంలో పాల్గొన్నారు. శివసేనతో కలిసి ప్రభుత్వాన్ని ఏర్పాటు చేసిన కాంగ్రెస్ పార్టీ అధిష్ఠానం మాత్రం దీనికి డుమ్మా కొట్టింది. అఖిల భారత కాంగ్రెస్ కమిటీ తాత్కాలిక అధ్యక్షురాలు సోనియాగాంధీ గానీ, రాహుల్ గాంధీ గానీ హాజరు కాలేదు.
లేఖలతో సరి..
ఉద్ధవ్ థాకరే కుమారుడు ఆదిత్య థాకరే స్వయంగా న్యూఢిల్లీలో సోనియా గాంధీని కలిసి, ఆహ్వాన పత్రాన్ని అందజేశారు. తన తండ్రి ప్రమాణ స్వీకారోత్సవానికి హాజరు కావాలని కోరారు. అయినప్పటికీ.. గాంధీ కుటుంబం నుంచి ఎవరూ రాలేదు. ఉద్ధవ్ కు శుభాకాంక్షలు తెలుపుతూ సోనియాగాంధీ, రాజీవ్ గాంధీ లేఖలు రాశారు. మాజీ ప్రధానమంత్రి డాక్టర్ మన్మోహన్ సింగ్ కూడా ఉద్ధవ్ కు అభినందనలను తెలియజేస్తూ లేఖ రాశారు.
సోదరుడి హాజరు
ఉద్దవ్ థాకరే సోదరుడు, మహారాష్ట్ర నవనిర్మాణ్ సమతి అధ్యక్షుడు రాజ్ థాకరే ఈ కార్యక్రమానికి హాజరయ్యారు. కాంగ్రెస్ పాలిత రాష్ట్రాల ముఖ్యమంత్రులు కమల్ నాథ్, అహ్మద్ పటేల్, ప్రఫుల్ పటేల్, డీఎంకే అధినేత ఎం కే స్టాలిన్, ఆ పార్టీ సీనియర్ నాయకుడు, కేంద్ర మాజీమంత్రి టీఆర్ బాలు సహా పలువురు నాయకులు ఈ కార్యక్రమంలో పాల్గొన్నారు.
Dr.Manmohan Singh in a letter to Uddhav Thackeray: I am very happy to know that you are taking oath as the 19th Chief Minister of Maharashtra. It is a historic event and I commend you on your visionary leadership. pic.twitter.com/6U7pUumX7r
— ANI (@ANI) November 28, 2019
Rahul Gandhi in a letter to Uddhav Thackeray: I am glad that Maharashtra Vikas Aghadi has come together to defeat the BJP's attempt to undermine our democracy. I regret that I am unable to be present at the function https://t.co/aa2JQCNMex pic.twitter.com/aGxGvjQaEj
— ANI (@ANI) November 28, 2019
Sonia Gandhi in a letter to Uddhav Thackeray: Shiv Sena,NCP&Congress have come together under quite extraordinary circumstances, at a time when country faces unprecedented threats from BJP. I regret that I'll not be able to be present at the ceremony (oath-taking). #Maharashtra pic.twitter.com/wHs95Y7mV6
— ANI (@ANI) November 28, 2019