శుభవార్త: ఉద్యోగులకు ఇన్పోసిస్ సంక్రాంతి కానుక, 95% వేరియబుల్ పే
Recommended Video
న్యూఢిల్లీ: ఇన్పోసిస్ సంక్రాంతి సర్ప్రైజ్ గిఫ్ట్ను ఉద్యోగులకు ప్రకటించింది. సుమారు 95 శాతం వేరియబుల్ పే ను ఇన్పోసిస్ సంక్రాంతి సందర్భంగా ప్రకటించింది. గత 9 త్రైమాసికాల కంటే ఇదే ఎక్కువ కావడం గమనార్హం.
జియో ఎఫెక్ట్:వచ్చే ఆరు నెలల్లో టెలికం రంగంలో 90వేల ఉద్యోగాలకు ఎసరు
ఇన్పోసిస్లో ఇటీవల కాలంలో చోటు చేసుకొన్న పరిణామాలు ఆ కంపెనీపై ప్రభావం చూపాయి. ఇన్పోసిస్ కంపెనీ బాధ్యతలను నందన్ నిలేకని చేపట్టిన తర్వాత కంపెనీలో పరిస్థితులు యధాస్థితికి చేరుకొన్నాయని కంపెనీ వర్గాలు భావిస్తున్నాయి.
అయితే కంపెనీ సీఈఓగా సలీల్ నియామకమయ్యారు. అయితే అదే సందర్భంగా కంపెనీలో కీలకంగా ఉన్న రాజశేఖర మూర్తి ఇటీవలనే రాజీనామా చేయడం కొంత కలవరపాటుకు గురిచేసింది. అయినా కానీ, కంపెనీ తన ఉద్యోగులకు సుమారు 90 శాతం వేరియబుల్ పే ను ప్రకటించింది.
ఇన్పోసిస్ ఉద్యోగులకు సంక్రాంతి గిఫ్ట్
ఇన్ఫోసిస్ తన ఉద్యోగులకు సంక్రాంతి పండుగ సర్ప్రైజ్ అందించింది. డిసెంబర్ త్రైమాసికానికి గాను, తన ఉద్యోగులకు 95 శాతం వేరియబుల్ పే ను ప్రకటించింది. గత తొమ్మిది త్రైమాసికాల్లో చెల్లించిన వేరియబుల్ పేలతో పోల్చుకుంటే ఇదే అత్యధికం.కొత్త సీఈవోగా సలీల్ బాధ్యతలు చేపట్టిన తర్వాత ఈ నిర్ణయం తీసుకోవడంతో ఉద్యోగుల్లో ఆనందం వ్యక్తమౌతోంది.
డిసెంబర్ త్రైమాసికంలో 38 శాతం వృద్ది
ఇన్ఫోసిస్ తన డిసెంబరు త్రైమాసిక ఫలితాలను ఇటీవల వెల్లడించింది. ఆ త్రైమాసికంలో సంస్థ నికర లాభంలో 38శాతం వృద్ధి సాధించింది. డిసెంబరు త్రైమాసికంలో సంస్థ గరిష్ఠంగా 12,622 స్థూల నియామకాలు చేపట్టింది. సెప్టెంబరు త్రైమాసికంలో ఈ నియామకాల సంఖ్య 10,514 మాత్రమే.
ఈ ఏడాదిలో అత్యధిక నియామకాలు
గత ఏడాది కంటే ఈ ఏడాది ఇదే త్రైమాసికంలో కేవలం 9,120 నియామకాలు మాత్రమే జరిగాయి. ఈ ఏడాది చేపట్టిన నియామకాలు చాలా అత్యధికమని మార్కెట్ నిపుణులు తెలిపారు.
ఇబ్బందులు తప్పినట్టేనా
ఉద్యోగులకు సంక్రాంతి కానుక ఇవ్వడంతో కంపెనీలో సంక్షోభం ముగిసినట్టేనా అని చర్చ కూడ సాగుతోంది. గతంతో పోలిస్తే ప్రస్తుతం ఇచ్చిన గిప్ట్ అత్యధికంగా ఉద్యోగులు చెబుతున్నారు. ఈ పరిణామాలన్నీ శుభ సూచికాలని కంపెనీ వర్గాలు భావిస్తున్నాయి.