అసహనం: అమీర్కు షారుక్ మద్దతు, ఏమన్నారు?
ముంబై: అసహనంపై అమీర్ ఖాన్ చేసిన వ్యాఖ్యలను తప్పుగా చిత్రీకరించారంటూ బాలీవుడ్ కింగ్ఖాన్ షారుక్, అమీర్కు మద్దతుగా నిలిచారు. అమీర్ ఖాన్ అసహనం వివాదంపై తొలిసారి స్పందించిన షారుక్ తనదైన శైలిలో సమాధానం ఇచ్చారు.
అసహనం వివాదంపై ఓ ఇంగ్లీషు ఛానల్కు ఇచ్చిన ఇంటర్యూలో ఆయన మాట్లాడుతూ దేశభక్తి అనేది తనకు తానుగా మనసులో ఉంచుకోవాల్సిన భావన అని చెప్పారు. దేశానికి మంచి జరగాలని ఆలోచించడం, మంచి చేయడం తప్ప దేశభక్తిని ఏ మార్గం ద్వారా నిరూపణ చేసుకోవాల్సిన అవసరం లేదన్నారు.
అలాకాకుండా నేను అవినీతికి పాల్పడితే, దేశానికి హాని కలుగుతుందన్నారు. తద్వారా నేను దేశానికి హాని చేసినట్లేనని షారుక్ తెలిపారు. ఎటువంటి విషయంపైన అయినా తనకు మాట్లాడే హక్కు ఉందని షారుక్ ఖాన్ అన్నారు. 25 ఏళ్లుగా ఇక్కడే ఉంటున్నానని, ఎవరైనా ఏదైనా విషయంపైన తన అభిప్రాయం కావాలంటే దానిపై మాట్లాడుతానని షారుక్ ఖాన్ అన్నారు.
ఇక సోషల్ మీడియాపై కూడా షారుక్ తన అభిప్రాయాన్ని తెలిపారు. ట్విట్టర్తో పాటు ఇతర మీడియాల్లో ఎవరైనా స్వేచ్ఛగా సమాచారం పంచుకోవచ్చన్నారు. అయితే స్వేచ్ఛగా పంచుకునే అభిప్రాయమే సంచనాలుగా మారుతుందని వ్యాఖ్యానించారు. అందుకే సోషల్ మీడియాలో తనపై వస్తున్న విమర్శలను పట్టించుకోనని షారుక్ స్పష్టం చేశారు.