• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

హిమాచల్‌ ప్రదేశ్ సీఎంగా జైరాం ఠాకూర్‌ ప్రమాణ స్వీకారం, హాజరైన బీజేపీ అగ్రనాయకత్వం

By Ramesh Babu
|
    జైరామ్ ఠాకూర్ ప్రమాణస్వీకారం, వీడియో !

    సిమ్లా : హిమాచల్‌ప్రదేశ్‌ రాష్ట్ర నూతన సీఎంగా జైరామ్ ఠాకూర్ ప్రమాణస్వీకారం చేశారు. ఠాకూర్‌చే ఆ రాష్ట్ర గవర్నర్ ఆచార్య దేవ్ ప్రమాణస్వీకారం చేయించారు. సిమ్లాలోని ప్రఖ్యాత రిడ్జ్ మైదానంలో ప్రమాణస్వీకార కార్యక్రమం బుధవారం ఉదయం అట్టహాసంగా జరిగింది.

    ఈ కార్యక్రమంలో ప్రధాని మోడీ, బీజేపీ జాతీయ అధ్యక్షుడు అమిత్ షా, పలువురు కేంద్ర మంత్రులతో పాటు బీజేపీ పాలిత రాష్ట్రాల ముఖ్యమంత్రులు పాల్గొన్నారు. ఈ సందర్భంగా రిడ్జ్ మైదానంలో ఏర్పాటు చేసిన మోడీ, అమిత్ షా, జైరామ్ ఠాకూర్ కటౌట్లు ప్రత్యేక ఆకర్షణగా నిలిచాయి.

    Jai Ram Thakur Takes Oath As Himachal Pradesh Chief Minister, Team BJP Attends

    సెరాజ్ నియోజకవర్గం నుంచి ఠాకూర్ గెలుపొందారు. ఈయన గతంలో కూడా మంత్రిగా పని చేశారు. 1998లో తొలిసారిగా జైరామ్ ఠాకూర్ హిమాచల్ ప్రదేశ్ అసెంబ్లీకి ఎన్నికయ్యారు. ఇటీవలి ఎన్నికల్లో మొత్తం 68 స్థానాలున్న హిమాచల్‌లో బీజేపీ 44 స్థానాలను గెలిచి తాజాగా ప్రభుత్వాన్ని ఏర్పాటు చేసింది.

    తొలుత ప్రమాణ స్వీకార కార్యక్రమాన్ని రిడ్జ్ మైదానంలో నిర్వహించాలనే నిర్ణయంపై వివాదాలు తలెత్తాయి. పర్యావరణం పరంగా సున్నితమైన ప్రాంతం కావడంతో పర్యావరణవేత్తల నుంచి వ్యతిరేకత వ్యక్తమైంది.

    అయితే అన్ని వివాదాలకు తెరపడి చివరికి ప్రమాణ స్వీకార కార్యక్రమానికి ఇదే మైదానం వేదికగా మారింది. 2008కి ముందు రాష్ట్ర గవర్నర్‌ అధికారిక నివాసమైన బారన్స్‌ కోర్ట్‌లో ప్రమాణ స్వీకారం జరిగేది.

    అయితే 2008లో అధికారంలోకి వచ్చిన ప్రేమ్‌కుమార్‌ ధుమాల్‌ మొదటిసారి రిడ్జ్‌ గ్రౌండ్స్‌ను ఇందుకు వేదిక చేయడంతో తర్వాత ప్రభుత్వాన్ని ఏర్పాటు చేసిన కాంగ్రెస్‌ ముఖ్యమంత్రి వీరభద్రసింగ్‌ కూడా ఇదే మైదానంలో ప్రమాణ స్వీకారం చేశారు.

    సిమ్లా రానున్న రాహుల్‌గాంధీ!

    కాంగ్రెస్‌ జాతీయాధ్యక్షుడు రాహుల్‌గాంధీ కూడా బుధవారం సిమ్లాకు రానున్నారు. ఇటీవల జరిగిన ఎన్నికల్లో పార్టీ వైఫల్యాల గురించి పార్టీ నేతలతో, కార్యకర్తలతో ఆయన చర్చించనున్నారని కాంగ్రెస్‌ ప్రధాన కార్యదర్శి నరేష్‌ చౌహాన్‌ మీడియాకు తెలిపారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    As Jai Ram Thakur took oath as Himachal Pradesh chief minister this morning, Team BJP was present in Shimla, in a repeat of its big show of strength during Gujarat government's swearing in yesterday.Himachal is the 19th state where the BJP is in power. The oath ceremony for Mr Thakur and his ministers was held at the historic Ridge Maidan in Shimla, which turned saffron with BJP flags fluttering all around and big cut outs of PM Modi, Amit Shah and Jai Ram Thakur dominating the landscape.
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more