నరేంద్ర మోడీ, రాహుల్ గాంధీ ప్రధాని కాలేరు: రేసులో డార్క్ హార్స్, ప్రకాష్ అంబేద్కర్ జోస్యం!
ముంబై: నరేంద్ర మోడీ, ఏఐసీసీ అధ్యక్షుడు రాహుల్ గాంధీలకు ప్రధాన మంత్రి అయ్యే చాన్స్ లేదని, తృతియ ఫ్రంట్ కు చెందిన సీనియర్ నేత ప్రధాని అవుతారని వీబీఏ ప్రధాన కార్యదర్శి ప్రకాష్ అంబేద్కర్ జోస్యం చెప్పారు. నరేంద్ర మోడీ మరోసారి ప్రధాని అయ్యే అవకాశం లేదని ప్రకాష్ అంబేద్కర్ అన్నారు.
ముంబైల్ మీడియాతో మాట్లాడిన ప్రకాష్ అంబేద్కర్ లోక్ సభ ఎన్నికలు పూర్తి అయిన తరువాత ఎవరు ప్రధాని అవుతారో అనే విషయంలో క్లారిటీ వస్తుందని చెప్పారు. లోక్ సభ ఎన్నికలు పూర్తి అయిన తరువాత మాజీ ప్రధాని హెచ్.డి. దేవేగౌడ డార్క్ హార్స్ లా తెర మీదకు వస్తారని ప్రకాష్ అంబేద్కర్ అన్నారు.
తన లెక్కప్రకారం అధికారంలోకి రావడానికి ఎవ్వరికీ పూర్తి మెజారిటీ రాదని ప్రకాష్ అంబేద్కర్ అన్నారు. తృతియ ఫ్రంట్ కు చెందిన సీనియర్ నేత ప్రధాని పదవికి ఎంపిక అవుతారని ప్రకాష్ అంబేద్కర్ వివరించారు. అయితే ప్రధాని ఎవరు అవుతారు అని ఇప్పుడే ఊహించడం కష్టమైన పని అన్నారు.
అయితే తన అంచనా ప్రకారం జేడీఎస్ చీఫ్ హెచ్.డి. దేవేగౌడ మళ్ళీ ప్రధాని అవుతారని ప్రకాష్ అంబేద్కర్ అభిప్రాయం వ్యక్తం చేశారు. బీజేపీ, కాంగ్రెస్ ను వ్యతిరేకించే పార్టీలు అన్నీ ఏకం అవుతాయని, కేంద్రంలో అధికారంలోకి వస్తుందని ప్రకాష్ అంబేద్కర్ అన్నారు. కాంగ్రెస్ కు చెందిన మిత్రపక్షాలు రాహుల్ గాంధీని ప్రధానిని చెయ్యడానికి సిద్దంగా లేవని ప్రకాష్ అంబేద్కర్ అభిప్రాయం వ్యక్తం చేశారు.