అందంగా ఉంటావ్: కోర్టులో భార్యపై భర్త, ట్విస్ట్ ఇచ్చిన జడ్జి

ఇండోర్: ఇండోర్ కోర్టులో వేసిన ఓ విడాకుల కేసులో న్యాయమూర్తి ఆసక్తికరమైన తీర్పు ఇచ్చారు. విడాకుల కోసం కోర్టుకు వచ్చిన భార్యాభర్తలను కలిపేందుకు ప్రయత్నించాడు సదరు జడ్జి. ఖార్గోనే చీఫ్ జ్యుడీయల్ మెజిస్ట్రేట్ కోర్టులో జరిగింది.

న్యాయమూర్తి గంగాచరణ్ దూబే.. విడాకులు మంజూరు చేసేంత పెద్ద కారణాలు కనిపించడం లేదని భావించి, భర్త సంజూకు కొన్ని ఆదేశాలు జారీ చేశారు. ఓ మంచి చీరను కొని తీసుకురావాలని ఆ భర్తకు చెప్పారు. కోర్టులో భర్త పలకాల్సిన మాటలను రిహార్సల్ చేయించారు.

ఆపై అందరి ముందూ భార్య రానూతో... నువ్వు చాలా అందంగా ఉంటావు, ఈ చీరను ఎప్పుడు ధరిస్తావు? ఇది కట్టుకుంటే ఇంకా అందంగా ఉంటావు.. అని చెప్పించారు. తాను ఒంటరిగా ఉంటున్నానని, తనను భర్త విస్మరిస్తున్నాడని రానూ కోర్టుకు వెళ్లింది. ఆమెను షాపింగ్‌కు తీసుకు వెళ్లాలని సంజూను ఆదేశించారు. దీంతో ఆ జంట తిరిగి కలిసింది.

English summary

Divorce petition gets a filmy twist! Judge orders husband to gift saree to wife to please her.