• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆర్టికల్ 370 రద్దు ఎఫెక్ట్: బందీలం అయ్యాం: విమానంలో రాహుల్ వద్ద వాపోయిన కాశ్మీరీ మహిళ

|

న్యూఢిల్లీ: అఖిల భారత కాంగ్రెస్ పార్టీ మాజీ అధ్యక్షుడు రాహుల్ గాంధీ.. వింత అనుభవాన్ని ఎదుర్కొన్నారు. శ్రీనగర్ నుంచి దేశ రాజధానికి విమానంలో ప్రయాణిస్తోన్న ఆయనను కాశ్మీర్ కు చెందిన తోటి మహిళా ప్రయాణికురాలు ఒకరు తన గోడును వెల్లబోసుకున్నారు. జమ్మూ కాశ్మీర్ ను స్వయం ప్రతిపత్తి హోదా గల రాష్ట్రంగా గుర్తించడానికి ఉద్దేశించిన ఆర్టికల్ 370ని రద్దు చేయడం, ఆ రాష్ట్రాన్ని రెండు కేంద్ర పాలిత ప్రాంతాలుగా విభజించిన తరువాత నెలకొన్న పరిస్థితులను ఆ కాశ్మీరీ మహిళ కళ్లకు కట్టినట్టుగా వివరించారు. తమ సొంత నివాసంలో తాము చాన్నాళ్ల పాటు బందీలు కావాల్సి వచ్చిందని వివరించారు.

కాశ్మీర్ లో అసాధారణ పరిస్థితులు నెలకొన్నాయని, సామాన్యుల జీవనం దుర్భరమైందని ఆమె రాహుల్ గాంధీ దృష్టికి తీసుకొచ్చారు. దీనికి సంబంధించిన ఓ వీడియోను కాంగ్రెస్ అధికార ప్రతినిధురాలు రాధికా ఖేరా సోషల్ మీడియాలో పోస్ట్ చేశారు. ఈ వీడియో కాస్త వైరల్ గా మారిాంది. జమ్మూ కాశ్మీర్ కు వెళ్లడానికి ప్రయత్నించిన రాహుల్ గాంధీని శ్రీనగర్ విమానాశ్రయంలోనే అక్కడి భద్రతా అధికారులు అడ్డుకున్న విషయం తెలిసిందే. శ్రీనగర్ విమానాశ్రయం నుంచి బయట అడుగు పెట్టనివ్వలేదు. ఫలితంగా- ఆయన శ్రీనగర్ వెళ్లకుండానే న్యూఢిల్లీకి తిరుగుముఖం పట్టారు. ఈ సందర్భంగా ఈ ఘటన చోటు చేసుకుంది.

Kashmiri woman shares Jammu & Kashmirs ordeal with Rahul Gandhi on flight

విమానంలో కిటికీ వైపు ఉన్న సీటు వద్ద కూర్చున్న రాహుల్ గాంధీతో ఆ కాశ్మీరీ మహిళ ఆవేశంగా మాట్లాడటం ఈ వీడియోలో రికార్డయ్యింది. తమ పిల్లలు సొంత ఇంట్లోనే బందీలు అయ్యారని, అడుగు బయట పెట్టలేని పరిస్థితి ఏర్పడిందని ఆమె చెప్పారు. తన సోదరుడు హృద్రోగంతో బాధపడుతున్నారని, పదిరోజులుగా డాక్టర్ ను కూడా ఇంటికి రానివ్వట్లేదని ఆమె అన్నారు. తమను కాపాడే వారి కోసం ఎదురు చూస్తున్నామని ఆమె తన ఆవేదనను వ్యక్తం చేశారు. ఆ సమయంలో రాహుల్ గాంధీ వెంట ఉన్న పార్టీ సీనియర్ నేతలు గులాంనబీ ఆజాద్, కేసీ వేణుగోపాల్, ఆనంద్ శర్మ తదితరులు ఆమె చెబుతోన్న విషయాన్ని శ్రద్ధగా వినడం కనిపించింది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Former Congress President Rahul Gandhi was on Saturday is taken aback when a Kashmiri woman started narrating her ordeal to him and other Opposition leaders onboard the flight they were travelling back to Delhi from Srinagar, after denied entry to the city. The video of the incident was shared on Twitter by Congress spokesperson Radhika Khera in which a Kashmiri woman is seen narrating how the lives of people had been affected after the abrogation of Article 370 and lockdown in the Valley.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more