నటి లైంగిక దాడి కేసు: హైకోర్టును ఆశ్రయించిన దిలీప్ భార్య కావ్య మాధవన్, అరెస్టు చేస్తారని !
ప్రముఖ నటి కిడ్నాప్, సామూహిక లైంగిక దాడి కేసులో అరెస్టు అయిన మలయాళం సూపర్ స్టార్ దిలీప్ రెండో భార్య, ప్రముఖ నటి కావ్య మాధవన్ ముందస్తు బెయిల్ ఇవ్వాలంటూ కేరళ హైకోర్టులో శనివారం మద్యాహ్నం.
కొచ్చి: ప్రముఖ నటి కిడ్నాప్, సామూహిక లైంగిక దాడి కేసులో అరెస్టు అయిన మలయాళం సూపర్ స్టార్ దిలీప్ రెండో భార్య, ప్రముఖ నటి కావ్య మాధవన్ ముందస్తు బెయిల్ ఇవ్వాలంటూ కేరళ హైకోర్టులో శనివారం మద్యాహ్నం అర్జీ సమర్పించారు.
కేరళ పోలీసులు అరెస్టు చేస్తారనే భయంతో కావ్య మాధవన్ ముందస్తు బెయిల్ కోసం కేరళ హైకోర్టు ఆశ్రయించారని మలయాళం మీడియా అంటోంది. 2017 ఫిబ్రవరి 17వ తేదీ రాత్రి ప్రముఖ నటి కిడ్నాప్, సామూహిక లైంగిక దాడి కేసులో అరెస్టు అయిన ప్రముఖ నిందితుడు పల్సర్ సునీ పోలీసులకు అనేక విషయాలు చెప్పాడు.
Recommended Video
నటి లైంగిక దాడి కేసులో పల్సర్ సునీ ఇచ్చిన సమాచారం మేరకు జూన్ 10వ తేదీన మలయాళం సూపర్ స్టార్ దిలీప్ ను అరెస్టు చేశారు. దిలీప్ ప్రస్తుతం ఆలువా సబ్ జైల్లో రిమాండ్ ఖైదీగా శిక్ష అనుభవిస్తున్నాడు. శనివారం అంగామాలి మెజిస్టేట్ కోర్టులో దిలీప్ బెయిల్ పిటిషన్ విచారణకు రానుంది.
భర్త దిలీప్ బెయిల్ పిటీషన్ కోర్టులో విచారణకు వచ్చిన రోజే కావ్య మాధవన్ హైకోర్టును ఆశ్రయించారు. దిలీప్ న్యాయవాది బి. రామనపిళ్లై కావ్య మాధవన్ ముందస్తు బెయిల్ పిటీషన్ ను హైకోర్టులో సమర్పించారు. కావ్య మాధన్ పిటిషన్ స్వీకరించిన హైకోర్టు సోమవారం విచారణ చెయ్యనుంది. కావ్య మాధవన్ ను ఏక్షణంలో అయినా అరెస్టు చేసే అవకాశం ఉందని కేరళలో జోరుగా ప్రచారం జరుగుతోంది.