• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చరిత్ర తిరగరాయనున్న ఎల్‌డీఎఫ్.. ఏబీపీ-సీఓటర్,చాణక్య,పీ-మార్క్,రిపబ్లిక్ ఎగ్జిట్ పోల్ రిజల్ట్స్

|

కేరళ అసెంబ్లీ ఎన్నికల్లో ఈసారి లెఫ్ట్ డెమోక్రటిక్ ఫ్రంట్(ఎల్‌డీఎఫ్) చరిత్ర తిరగరాయనుందని ఎగ్జిట్ పోల్ ఫలితాలు వెల్లడిస్తున్నాయి. కేరళలో గత మూడు దశాబ్దాల రాజకీయంలో ఏ పార్టీకి ప్రజలు వరుసగా రెండోసారి అవకాశం ఇవ్వలేదు. ఒకసారి ఎల్‌డీఎఫ్ గెలిస్తే మరోసారి యూడీఎఫ్ గెలవడం అక్కడ ఆనవాయితీగా వస్తోంది. అయితే పినరయి విజయన్ నేత్రుత్వంలోని ఎల్‌డీఎఫ్ ఈసారి కొత్త చరిత్ర సృష్టించనుందని... వరుసగా రెండోసారి రాష్ట్రంలో అధికారంలోకి రానుందని ఎగ్జిట్ పోల్ ఫలితాలు చెబుతున్నాయి.

తాజాగా వెలువడ్డ ఏబీపీ న్యూస్-సీఓటర్ ఎగ్జిట్ పోల్ ప్రకారం.. మొత్తం 140 అసెంబ్లీ స్థానాలున్న కేరళలో ఎల్‌డీఎఫ్ కూటమి 71-77 స్థానాల్లో గెలుపొందనుంది. కాంగ్రెస్ నేత్రుత్వంలోని యూడీఎఫ్ కూటమి 62-68 స్థానాలు గెలుచుకోనుంది. బీజేపీ సున్నా లేదా కేవలం 2 స్థానాలకు పరిమితం కానుంది.

kerala assembly election 2021 exit poll by abp c voter news24 chanakya and republic tv

న్యూస్ 24-టుడేస్ చాణక్య ఎగ్జిట్ పోల్ ప్రకారం... ఎల్‌డీఎఫ్ 104-120 స్థానాలు గెలుచుకునే అవకాశం ఉంది. కాంగ్రెస్ నేత్రుత్వంలోని యూడీఎఫ్ కూటమి కేవలం 20-36 స్థానాలకే పరిమితం కానుంది. బీజేపీ కేవలం 3 స్థానాల్లో గెలిచే అవకాశం ఉంది.

పీ-మార్క్(P-MARQ) ఎగ్జిట్ పోల్ ప్రకారం... ఎల్‌డీఎఫ్ 72-79 స్థానాల్లో,యూడీఎఫ్ 60-66,బీజేపీ 0-3,ఇతరులు 0-1 స్థానాల్లో గెలుపొందనున్నారు.

రిపబ్లిక్ టీవీ-సీఎన్ఎక్స్ ఎగ్జిట్ పోల్ ప్రకారం... ఎల్‌డీఎఫ్ 72-80 స్థానాల్లో,యూడీఎఫ్ 58-64,బీజేపీ 1-5 స్థానాల్లో గెలిచే అవకాశం ఉంది.

గతేడాది డిసెంబర్‌లో జరిగిన కేరళ పంచాయతీ ఎన్నికల్లో ఎల్డీఎఫ్ జయకేతనం ఎగరేసిన సంగతి తెలిసిందే. మొత్తం 941 పంచాయతీల్లో ఎల్డీఎఫ్ 514 పైచిలుకు స్థానాల్లో గెలుపొందింది. ఈ ఫలితాలు క్షేత్ర స్థాయిలో ప్రజలు ఎల్‌డీఎఫ్ వైపే ఉన్నట్లు నిరూపించినట్లయింది. తాజా అసెంబ్లీ ఎన్నికల ఎగ్జిట్ పోల్ ఫలితాల్లోనూ ఈ విషయం స్పష్టంగా కనిపిస్తోంది.

English summary
Exit poll results from Kerala appeared to give the edge to the ruling Left Democratic Front (LDF) coalition while the Congress-led United Democratic Front (UDF) seemed to come in second. The BJP was seen winning a couple of seats as well.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X