నటి కిడ్నాప్, లైంగిక దాడి కేసు: మలయాళం హీరో దిలీప్ మేనేజర్ కు ఝలక్, మీకెందుకు ?
ప్రముఖ నటి కిడ్నాప్, సామూహిక లైంగిక దాడి కేసులో అరెస్టు అయిన ప్రముఖ మాలీవుడ్ హీరో దిలీప్ మేనేజర్ ఏఎస్ సునీల్ రాజ్ అలియాస్ అప్పుణ్ణికి కేరళ హైకోర్టులో చుక్కెదురైయ్యింది. సునీల్ రాజ్ కు ముందస్తు బెయిల్
కొచ్చి: ప్రముఖ నటి కిడ్నాప్, సామూహిక లైంగిక దాడి కేసులో అరెస్టు అయిన ప్రముఖ మాలీవుడ్ హీరో దిలీప్ మేనేజర్ ఏఎస్ సునీల్ రాజ్ అలియాస్ అప్పుణ్ణికి కేరళ హైకోర్టులో చుక్కెదురైయ్యింది. సునీల్ రాజ్ కు ముందస్తు బెయిల్ ఇవ్వడానికి కేరళ హై కోర్టు నిరాకరించింది.
నటి సామూహిక లైంగిక దాడి కేసు: హీరో దిలీప్ కు రిమాండ్ పొడగింపు, పాపం పీపుల్స్ స్టార్ !
పోలీసులు మిమ్మల్ని ఇంత వరకు విచారణ చెయ్యలేదు, అరెస్టు చెయ్యలేదు, శారీరకంగా, మానసికంగా హింసించలేదు, అలాంటప్పుడు మీరు ఎందుకు ముందస్తు బెయిల్ కు పిటిషన్ దాఖలు చేశారు ? అని కేరళ హైకోర్టు న్యాయమూర్తి సునీల్ థామస్ దిలీప్ మేనజర్ సునీల్ రాజ్ అలియాస్ అపుణ్ణిని ప్రశ్నించారు.
నటి కిడ్నాప్, లైంగిక దాడి కేసులో మీకు ఎలాంటి సంబంధం లేకుంటే ఎందుకు ముందస్తు బెయిల్ కావాలని అడుగుతున్నారని ప్రశ్నించారు. పోలీసులు అరెస్టు చేస్తారని భయంతోనే ముందస్తు బెయిల్ కోసం దరఖాస్తు చేసుకున్నామని సునీల్ రాజ్ న్యాయవాది కోర్టులో చెప్పారు. పోలీసులు విచారణ చేసి మీ పేరు ఎఫ్ఐఆర్ లో నమోదు చేసిన తరువాత చూద్దాం అని హైకోర్టు న్యాయమూర్తి సునీల్ థామస్ చెప్పడంతో సునీల్ రాజ్ షాక్ కు గురైనాడు.