సూపర్ కాప్: ప్రాణాలకు తెగించి కాపాడాడు(వీడియో)

నాసిక్: రక్షకభటుడనే పదానికి సరైన నిర్వచనమిచ్చాడు ఈ పోలీసు. అతని ప్రాణాలను సైతం లెక్క చేయకుండా ఆత్మహత్య చేసుకునేందుకు ప్రయత్నించిన ఓ వ్యక్తిని కాపాడాడు. ఈ ఘటన మహారాష్ట్రలోని పవిత్ర పుణ్యక్షేత్రమైన నాసిక్‌లో జరిగింది.

వివరాల్లోకి వెళితే.. నాసిక్‌లో గత కొద్ది రోజులుగా అత్యంత వైభవంగా కుంభమేళా జరుగుతున్న విషయం తెలిసిందే. ఓ వైపు లక్షలాది భక్తుల రద్దీ ఉండటంతో వారందరికీ భద్రతా చర్యలు చేపట్టడంలో తలమునకలయ్యారు పోలీసులు.

See the chain of policemen in white t shirts. They were in water for hours together. #Nashik #Kumbhmela pic.twitter.com/IlkoSRY1DA

— Praveen Gedam (@praveengedam) September 15, 2015

కాగా, ఈ నేపథ్యంలో ఓ వ్యక్తి వంతెన మీది నుంచి గోదావరి నదిలోకి దూకి ఆత్మహత్య చేసుకునేందుకు యత్నించాడు. అది చూసిన ఓ పోలీసు అధికారి తన ప్రాణాలను సైతం లెక్కచేయకుండా 20 అడుగుల ఎత్తైన వంతెన పైనుంచి నదిలో దూకి ఆ వ్యక్తిని కాపాడాడు.

ఇదంతా అక్కకున్న సీసీ టీవీ కెమెరాలో రికార్డయింది. ఈ ఫొటోలను ఓ పోలీసు ఉన్నతాధికారి తన ట్విట్టర్లో పెట్టారు. నదిలో దూకిన వీడియో కూడా ఇప్పుడు సోషల్ మీడియాలో హల్‌చల్ చేస్తోంది.

Policeman Manoj Barahate jumped off from 20 ft high bridge to save a man. One more life saved! Salute to his #bravery pic.twitter.com/jPDmFy8Aoy

— Praveen Gedam (@praveengedam) September 14, 2015

ఆ సాహస పోలీసు అధికారి మనోజ్ భరత్‌పై ప్రశంసల వర్షం కురుస్తోంది. పోలీసు వ్యవస్థ పటిష్ఠంగా పనిచేస్తుందనడానికి నిదర్శనమే ఈ ఘటన అని పలువురు ఆ సాహస పోలీసుకు అభినందనలు తెలుపుతున్నారు.

English summary

A devotee attending the Kumbh Mela in Nashik in Maharashtra tried to kill himself by jumping off a bridge into the waters of the River Godavari below.