వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

టెక్కీలకు శుభవార్త! ఇన్ఫోసిస్‌లో వెయ్యి ఉద్యోగాలు, ట్రంప్‌ను ప్రసన్నం చేసుకునేందుకా?

By Ramesh Babu
|
Google Oneindia TeluguNews

న్యూఢిల్లీ: దేశీయ సాఫ్ట్‌వేర్ దిగ్గజం ఇన్ఫోసిస్ టెక్కీలకు శుభవార్త చెప్పింది. త్వరలోనే ఓ టెక్ హబ్‌ను అమెరికాలో ప్రారంభించబోతోంది. అమెరికాలోని హార్ట్‌ఫోర్డ్ కనెక్టికట్‌లో టెక్నాలజీ, ఇన్నోవేషన్ హబ్‌ను ప్రారంభించబోతున్నట్లు, 2022 నాటికి వెయ్యి మంది అమెరికన్ టెక్ వర్కర్లను నియమించుకోనున్నట్లు గురువారం ఇన్ఫోసిస్ ప్రకటించింది.

అమెరికా వర్కర్ల నుంచి ఉద్యోగాలను అక్రమంగా తన్నుకుపోతున్నాయంటూ అవుట్‌సోర్సింగ్‌ సంస్థలపై డొనాల్డ్‌ ట్రంప్‌ తీవ్రంగా విమర్శలు గుప్పించిన సంగతి తెలిసిందే. ఈ నేపథ్యంలో అవుట్‌సోర్సింగ్‌ సంస్థలపై నిబంధనలను కూడా ట్రంప్‌ కఠినతరం చేస్తున్నారు. దీంతో అవుట్‌సోర్సింగ్‌ సంస్థలన్నీ స్థానిక నియామకాలపై దృష్టి సారించాయి.

ఈ నేపథ్యంలోనే ఇన్ఫోసిస్ కూడా అవసరమైన చర్యలు తీసుకుంటోంది. అమెరికాలో పలు టెక్ హబ్‌లు ఏర్పాటు చేసి వచ్చే రెండేళ్లలో 10 వేలమంది అమెరికన్ టెక్కీలకు ఉద్యోగావకాశాలు కల్పించనున్నట్లు ఇన్ఫోసిస్ గత ఏడాది ప్రకటించిన సంగతి తెలిసిందే.

Mammoth Infosys jobs drive to create 1,000 jobs for Americans to woo Donald Trump admin

ఈ మేరకు ఇన్ఫోసిస్ ఇప్పటికే తన తొలి టెక్నాలజీ, ఇన్నోవేషన్‌ హబ్‌ను ఇండియానాలో ప్రారంభించింది. నార్త్‌ కారోలినాలో మరో హబ్‌ను, రోడ్‌ ఐల్యాండ్లో కూడా డిజైన్‌, ఇన్నోవేషన్‌ హబ్‌ను కూడా ఇన్ఫోసిస్‌ ప్రకటించింది. ప్రస్తుతం కనెక్టికట్‌లో ఏర్పాటు చేయబోతున్నది రెండో టెక్నాలజీ హబ్‌.

కనెక్టికట్‌లో ఏర్పాటుచేయబోయే హబ్‌లో ఇన్సూరెన్స్‌, హెల్త్‌కేర్‌, మాన్యుఫాక్చరింగ్‌లపై ప్రత్యేకంగా దృష్టిసారించనున్నట్టు ఇన్ఫోసిస్‌ తన రెగ్యులేటరీ ఫైలింగ్‌లో పేర్కొంది. కనెక్టికట్‌లో తమ ఉనికి విస్తరిస్తున్నట్టు ప్రకటించడం ఆనందదాయకంగా ఉందని, రాష్ట్రంలో దాదాపు వెయ్యి టెక్నాలజీ ఉద్యోగాలను కల్పించనున్నామని ఇన్ఫోసిస్‌ ప్రెసిడెంట్‌ రవి కుమార్‌ తెలిపారు.

న్యూ ఇంగ్లాండ్‌ ప్రాంతం వారీగా క్లయింట్లకు తమ సేవలందించడానికి తమ పెట్టుబడులను మరింత బలోపేతం చేయాల్సి ఉందన్నారు. స్థానిక వర్క్‌ఫోర్స్‌ను కూడా విస్తరించాలనుకుంటున్నట్లు ఆయన పేర్కొన్నారు.

English summary
India's second largest software services firm Infosys will set up a new technology and innovation hub in Hartford, Connecticut, and hire 1,000 American workers in the state by 2022. Last year, Infosys had announced setting up of four such hubs and hiring about 10,000 locals in the US over the next two years. Infosys has already inaugurated its first technology and innovation hub in Indianapolis, Indiana, and has announced another such hub in Raleigh, North Carolina, and a design and innovation hub in Providence, Rhode Island. The move was also seen as a bid to woo the Trump administration that has been critical of outsourcing firms for "unfairly" taking jobs away from the US workers. The hub in Connecticut will have a special focus on insurance, healthcare and manufacturing, Infosys said in a regulatory filing late last night. "We are excited to announce the expansion of our presence in Connecticut and to create 1,000 technology jobs in the state," Infosys President Ravi Kumar said.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X