• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

8 ఏళ్ల బాలికపై హత్యాచారం... దోషికి మరణశిక్ష విధించిన న్యాయస్థానం...

|

8 ఏళ్ల బాలికపై హత్యాచారానికి పాల్పడిన ఓ నిందితుడిని దోషిగా తేల్చిన పోక్సో న్యాయస్థానం అతనికి మరణశిక్ష విధించింది. 2019లో వెలుగులోకి వచ్చిన ఈ ఘటనపై ఏడాది కాలంగా విచారణ కొనసాగుతుండగా... తాజాగా న్యాయస్థానం అతనికి శిక్ష ఖరారు చేసింది.

వివరాల్లోకి వెళ్తే... ఉత్తరప్రదేశ్‌లోని చంద్‌పూర్‌కి చెందిన ఓ బాలిక(8) మార్చి,2019లో స్థానికంగా జరిగిన ఓ కార్యక్రమానికి వెళ్లింది. అలా వెళ్లిన బాలిక మళ్లీ ఇంటికి తిరిగిరాలేదు. అర్ధరాత్రి గడిచినా బాలిక ఇంటికి రాకపోవడంతో తల్లిదండ్రులు అంతటా వెతికారు. కానీ ఎక్కడా ఆమె ఆచూకీ దొరకలేదు. అయితే చివరిసారిగా బాలికను శివ శంకర్,అలియాస్ బంటుతో రాత్రి 10గంటల సమయంలో చూసినట్లు కొంతమంది స్థానికులు ఆ తల్లిదండ్రులతో చెప్పారు.

Man awarded death for rape and murdering a minor girl in up

ఆ మరుసటిరోజు ఉదయం బాలిక మృతదేహాన్ని ఓ గోధుమ పొలంలో గుర్తించారు. అప్పటికే బంటు,అతని తండ్రి గ్రామం విడిచి పారిపోయినట్లు తెలుసుకున్నారు. దీంతో పోలీసులను ఆశ్రయించి బంటుపై ఫిర్యాదు చేశారు. దీంతో బంటుపై పోక్సో చట్టం కింద కేసు నమోదు చేసుకున్న పోలీసులు దర్యాప్తు చేపట్టారు. పోలీసుల విచారణలో బంటు నేరం అంగీకరించాడు.

రూ.10 ఇస్తానని ఆశజూపి ఆ బాలికను ఆకర్షించినట్లు బంటు పోలీసులతో చెప్పాడు. అనంతరం బాలికను ఓ నిర్మానుష్య ప్రదేశానికి తీసుకెళ్లి అత్యాచారం చేసి హత్యకు పాల్పడినట్లు చెప్పాడు. అత్యాచారం బయటపడుతుందన్న భయంతోనే బాలికను హత్య చేసినట్లు అంగీకరించాడు. మే,2019లో పోలీసులు అతనిపై చార్జీషీట్ ఫైల్ చేశారు. 20 నెలల పాటు సుదీర్ఘంగా కొనసాగిన ఈ కేసు విచారణలో మంగళవారం ఫిరోజాబాద్ కోర్టు తుది తీర్పు వెల్లడించింది. బంటును దోషిగా తేల్చిన న్యాయస్థానం అతనికి మరణశిక్ష విధించింది. అయితే బంటు ఈ తీర్పును ఎగువ కోర్టులో అప్పీల్ చేసుకునే అవకాశం లేకపోలేదు.

English summary
After 20 months of trial in an incident of rape and murder, a man, accused of committing the crime with his 8-year-old cousin, was given death sentence by a POCSO (Prevention of Children from Sexual Offence Act) court in Firozabad district on Tuesday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X