నశించిన మానవత్వం: కారు బోనెట్ పై ఈ వ్యక్తిని డ్రైవర్ ఎంత దూరం తీసుకెళ్లాడో తెలుసా..?
ఢిల్లీ: ఢిల్లీ దగ్గరలోని ఘజియాబాదులో దారుణం చోటుచేసుకుంది. కారు బోనెట్పై ఉన్న వ్యక్తిని అలాగే రెండు కిలోమీటర్లు వరకు తీసుకెళ్లాడు ఓ దుర్మార్గపు డ్రైవరు. అదృష్టవశాత్తు ఆ వ్యక్తికి ఏమీ కాలేదు. కారును వేగంగా నడిపాడు. కారుపై అలా వేగంగా నడుపుకుంటూ వెళుతుండగా రోడ్డుపై వెళుతున్న మరో వ్యక్తి ఆ దృశ్యాన్ని తన ఫోను కెమెరాలో బంధించాడు. అనంతరం సోషల్ మీడియాలో పోస్టు చేయడంతో వీడియో వైరల్ అయ్యింది.
ముందుగా ఎక్కడో రోడ్డు ప్రమాదం జరిగినట్లు ఉంది. డ్రైవరును కారులోనుంచి దిగమనేందుకు వెళ్లిన వ్యక్తిపై నుంచి కారును డ్రైవర్ పోనివ్వడంతో కారు బోనెట్ను పట్టుకున్నాడు వ్యక్తి. అయితే ఆ వ్యక్తిని కిందకు పడేసేందుకు కారును ఇటూ అటూ డ్రైవర్ తిప్పాడు. అయినప్పటికీ బోనెట్ను గట్టిగా పట్టుకున్నాడు వ్యక్తి. అలా దాదాపు రెండు కిలోమీటర్లు వరకు కారు వెళ్లాక డ్రైవర్ చివరిగా కారు ఆపాడు. వెంటనే ఆ వ్యక్తి బోనెట్ను వదిలి కారు డ్రైవర్ను ముందుగా బయటకు దిగాల్సిందిగా కేకలు వేస్తున్నట్లు వీడియోలో కనిపిస్తోంది.
వైసిపి లో చేరిన జయసుధ : పోటీ ఎక్కడి నుండి అంటే..!
#WATCH In a shocking case of road rage seen in Ghaziabad, driver of a car drove for almost 2 kilometers with a man clinging on to the car bonnet. The driver was later arrested by Police (6.3.19) (Note:Strong language) pic.twitter.com/hocrDi7qgg
— ANI UP (@ANINewsUP) March 7, 2019
బుధవారం జరిగిన ఈ ఘటనకు సంబంధించిన వీడియో వైరల్ అవడంతో రంగంలోకి దిగిన పోలీసులు కారు డ్రైవరును అరెస్టు చేశారు. అంతేకాదు ఎఫ్ఐఆర్ కూడా నమోదు చేసి కేసు దర్యాప్తు చేస్తున్నారు. ఈ వీడియోను చూస్తే ఒళ్లు గగుర్పొడిచేలా ఉంది. ఏ చిన్న తప్పిదం జరిగినా ప్రాణాలకే ప్రమాదం. మరి బోనెట్ పై ఉన్న ఆ వ్యక్తి కారును ఆపాల్సిందిగా ఎంత ప్రాథేయపడినప్పటికీ కారు డ్రైవర్ మాత్రం చలించలేదు. అలానే ముందుకు దూసుకెళ్లాడు.