వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

విమానాశ్రయంలో యువకుడి బీభత్సం: హెలికాప్టర్ ధ్వంసం, విమానం ముందు కూర్చున్నాడు(వీడియో)

|
Google Oneindia TeluguNews

భోపాల్: మధ్యప్రదేశ్ రాజధాని భోపాల్‌లోని రాజభోజ్ విమానాశ్రయంలో ఓ 20 ఏళ్ల యువకుడు బీభత్సం సృష్టించాడు. ఆదివారం సాయంత్రం విమానాశ్రయంలో ప్రవేశించిన యువకుడు.. ఓ ప్రైవేటు హెలికాప్టర్ ముందు భాగాన్ని రాళ్లతో కొట్టి పూర్తిగా ధ్వంసం చేశాడు. ఆ తర్వాత ఓ విమానం ముందు వెళ్లి కూర్చున్నాడు .

హెలికాప్టర్ ధ్వంసం చేసి..

హెలికాప్టర్ ధ్వంసం చేసి..

అయితే, ఆ యువకుడి మానసిక స్థితి బాగోలేదని, అందుకే ఇలా ప్రవర్తించాడని తెలుస్తోంది. హెలికాప్టర్‌ ముందు భాగాన్ని ధ్వంసం చేసిన తర్వాత అతడు టేకాఫ్ అవుతున్న స్పైస్‌జెట్ ముందు వెళ్లి కూర్చున్నాడు. దీంతో ఆ విమానం టేకాఫ్ అవడం ఆలస్యమైంది.

వెంటనే అప్రమత్తమైన సీఐఎస్ఎఫ్ సిబ్బంది..

వెంటనే అప్రమత్తమైన సీఐఎస్ఎఫ్ సిబ్బంది..

విమానంలో ప్రయాణికులు ఏం జరుగుతుందో తెలియక ఆందోలనకు గురయ్యారు. వెంటనే అప్రమత్తమైన సెంట్రల్ ఇండస్ట్రియల్ సెక్యూరిటీ ఫోర్స్(సీఐఎస్ఎఫ్) దళాలు అతడ్ని అదుపులోకి తీసుకున్నాయి. ఆ తర్వాత ఆ యువకుడిని పోలీసులకు అప్పగించాయి. అనంతరం ఆ విమానం అక్కడ్నుంచి బయల్దేరింది.

హెలికాప్టర్ ధ్వంసం.. టేకాఫ్ అయ్యే విమానం ముందు కూర్చుకోవడంతో..

‘ఆదివారం సాయంత్రం 5.45 నిమిషాలకు ఈ ఘటన చోటు చేసుకుంది. మానసికస్థితి సరిగాలేని 20ఏళ్ల యువకుడు స్టేట్ హ్యాంగర్ సైడ్ నుంచి విమానాశ్రయంలోకి ప్రవేశించాడు. అక్కడేవున్న ఓ ప్రైవేటు హెలికాప్టర్‌ను రాళ్లతో కొట్టి ధ్వంసం చేశాడు. ఆ తర్వాత టేకాఫ్ అయ్యేందుకు సిద్ధంగా ఉన్న స్పైస్‌జెట్ విమానం ముందు కూర్చున్నాడు. దీంతో ఒక్కసారిగా ఆందోళనకర వాతావరణం నెలకొంది' అని సీఐఎస్ఎఫ్ అధికారి ఒకరు మీడియాకు వెల్లడించారు.

English summary
A 20-year-old youth entered the parking bay of the Raja Bhoj Airport in Bhopal on Sunday, sat down in front of a SpiceJet plane and damaged a private helicopter with stones.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X