లవర్స్ పై దాడి, యువతిపై 7 మంది గ్యాంగ్ రేప్, మైనర్లు, పీకలదాక డ్రగ్స్, ఆరు మంది అందర్!
బెంగళూరు: ఉల్లాసంగా బీచ్ లో వెలుతున్న లవర్స్ మీద దాడి చేసిన 7 మంది కామాంధులు అత్యాచారం చేసిన ఘటన కర్ణాటకలోని మంగళూరు సమీపంలోని ప్రసిద్ది చెందిన బీచ్ లో జరిగింది. డ్రగ్స్ మత్తులో యువతి మీద అత్యాచారం చేసిన ఆరు మంది కామాంధులను పోలీసులు అరెస్టు చేసి విచారణ చేస్తున్నారు.
ఆలస్యంగా వెలుగు చూసిన ఈ ఘటన వివరాలు ఈ విథంగా ఉన్నాయి. నవంబర్ 18వ తేదీ ఓ ప్రేమ జంట మంగళూరు నగర శివార్లలోని ప్రసిద్ది చెందిన తోటే బెంగ్రే బీచ్ దగ్గరకు వెళ్లారు. తరువాత తోలే బెంగ్రే బీచ్ లో కొంత సమయం ప్రేమికులు ఉల్లాసంగా గడిపారు.
ప్రేమికులు ఇద్దరూ ఒకరి చెయ్యి ఒకరు పట్టుకుని బీచ్ లో నడుచుకుంటూ వెలుతున్నారు. ఆ సందర్బంలో పీకదాక డ్రగ్స్ సేవించిన 7 మంది కళ్లు ఒక్కసారిగా ప్రేమ జంట మీద పడింది. అదే సందర్బంలో కామాంధులు ప్రేమికుల మీద దాడి చేశారు. యువకుడి కాళ్లు చేతులు కట్టేశారు. అనంతరం యువతిని లాక్కెళ్లి ఆమె మీద అత్యాచారం చేశారు.
విషయం బయటకు తెలిస్తే మీ ఇద్దరి ప్రాణాలు తీసి ఇదే బీచ్ లో పాతిపెడుతామని ప్రేమికులను హెచ్చరించి వెళ్లిపోయారు. భాదితులు ఫిర్యాదు చెయ్యడంతో హణంబూరు పోలీసులు కేసు నమోదు చేశారు. భాదితులు ఇచ్చిన సమాచారం మేరకు ఆరు మంది కామాంధులను పోలీసులు అరెస్టు చేశారు. యువతి మీద గ్యాంగ్ రేప్ చేసిన వారిలో ఇద్దరు మైనర్లు ఉన్నారని పోలీసులు అంటున్నారు. గ్యాంగ్ రేప్ కేసులో పరారైన మరో కమాంధుడి కోసం పోలీసులు గాలిస్తున్నారు.