వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

సీఎంగా కుమారస్వామి: భార్య, హీరోయిన్ రాధిక గురించి తెగ వెతుకుతున్నారు

By Srinivas
|
Google Oneindia TeluguNews

Recommended Video

Kumaraswamy Wife Became A Hot Topic | Oneindia Telugu

బెంగళూరు: కర్ణాటక అసెంబ్లీ ఎన్నికల్లో ఏ పార్టీకి మెజార్టీ రాలేదు. దీంతో అయిదు రోజుల పాటు కన్నడ నాట డ్రామా నడిచింది. యెడ్డీ ప్రమాణం, జేడీఎస్, కాంగ్రెస్ పార్టీలు తమ ఎమ్మెల్యేలను రిసార్టుకు తరలించడం, ప్రొటెం స్పీకర్ నియామకం, గవర్నర్ తీరు, సుప్రీం కోర్టు జోక్యం.. ఇలా ఎన్ని మలుపుల అనంతరం యెడ్డీ రాజీనామా చేశారు. ఇప్పుడు కర్ణాటక కొత్త సీఎంగా జేడీఎస్ నేత కుమారస్వామి ప్రమాణ స్వీకారం చేయనున్నారు.

బుధవారం మధ్యాహ్నం గం.12.30కు ఆయన ప్రమాణ స్వీకారం చేయనున్నారు. ఈ ప్రమాణ స్వీకారానికి సోనియా, రాహుల్, తెలుగు రాష్ట్రాల సీఎంలతో పాటు పలు ప్రాంతీయ పార్టీల నేతలు హాజరవుతున్నారు. ఇదిలా ఉండగా, కుమారస్వామి సీఎంగా అవుతున్న నేపథ్యంలో ఆయన భార్య రాధికా కుమారస్వామి బాగా గూగుల్‌లో ట్రెండ్ అవుతున్నారు.

 కన్నడ పరిశ్రమలో సుపరిచితం

కన్నడ పరిశ్రమలో సుపరిచితం

కన్నడ పరిశ్రమలో రాధిక అందరికీ తెలుసు. ఆమె నటి మరియు నిర్మాతగా వ్యవహరించారు. పన్నెండేళ్ల క్రితం అంటే 2006లో ఆమె కుమారస్వామిని పెళ్లాడారు. వీరికి ఓ కూతురు ఉంది. ఆమె పేరు షమిక కే స్వామి. రాధికా కుమారస్వామి 2002లో నీల మేఘ శ్యామతో కన్నడ సినీ పరిశ్రమలో అడుగు పెట్టారు. తొమ్మిదో తరగతి చదవగానే ఈ ఫీల్డులోకి వచ్చింది.

 రాజకీయాల్లోకి వస్తారనుకున్నారు కానీ

రాజకీయాల్లోకి వస్తారనుకున్నారు కానీ

31 ఏళ్ల రాధిక 30కి పైగా సినిమాలలో నటించారు. పలు సినిమాలకు నిర్మాతగా వ్యవహరించారు. రాధిక రాజకీయాల్లోకి వస్తారని కొన్నేళ్ల క్రితం ప్రచారం జరిగింది. కానీ ఆమె సుముఖంగా లేదని కూడా అప్పుడే వార్తలు వచ్చాయి. రాధికా కుమారస్వామి చివరి చిత్రం ఈశ్వర్. వివాహం నేపథ్యంలో ఆ సినిమా ఆ తర్వాత బయటకు రాలేదు.

2006లో పెళ్లయింది

2006లో పెళ్లయింది

కుమారస్వామికి 58 ఏళ్లు. అతని భార్య రాధికా కుమారస్వామికి 31 ఏళ్లు. 2005లో రాధికా - కుమారస్వామిలకు పరిచయమైంది. 2006లో ఇద్దరు పెళ్లి చేసుకున్నారు. పెళ్లైన నాలుగేళ్ల తర్వాత అంటే 2010లో అందరికీ వివాహం గురించి తెలిసింది.

తమిళ సినిమాల్లోను ప్రతిభ

తమిళ సినిమాల్లోను ప్రతిభ

అటు రాధిక, ఇటు కుమారస్వామిది.. ఇద్దరిదీ రెండో వివాహమే. రాధిక 2000లో ఆమె రతన్ కుమార్‌ను పెళ్లాడారు. అప్పటికి ఆమె వయస్సు పద్నాలుగు. రెండేళ్లకు రతన్‌కు హార్ట్ ఎటాక్ వచ్చింది. అతను 2002లో కన్నుమూశాడు. కుమారస్వామి 1986లో అనితను వివాహం చేసుకున్నారు. వీరికి నిఖిల్ గౌడ కుమారుడు ఉన్నారు. తమిళ సినిమాల్లోను రాధిక ప్రతిభ చూపారు.

సెర్చింగ్ సమయంలో రాధిక

సెర్చింగ్ సమయంలో రాధిక

కుమారస్వామి కర్ణాటక సీఎం అవుతున్న నేపథ్యంలో అందరూ ఆయన గురించి సెర్చ్ చేస్తున్నారు. సెర్చింగ్ సమయంలో కుమారస్వామి రెండో భార్య రాధిక అనూహ్యంగా తెరపైకి వచ్చారు. రాధికా కుమారస్వామి మే 18న గూగుల్ సెర్చింగ్‌లో మోస్ట్ ట్రెండింగ్‌లో ఉన్న వ్యక్తిగా నిలిచారు. ఆమె ప్రముఖ కన్నడ నటి, కుమారస్వామి భార్య కావడంతో ట్రెండింగ్‌గా మారింది.

రాధికను పెళ్లాడిన ఏడాదిలోనే సీఎంగా

రాధికను పెళ్లాడిన ఏడాదిలోనే సీఎంగా

సినీ నిర్మాత నుంచి సీఎం స్థాయి వరకు ఎదిగిన కుమారస్వామి... నటి రాధికను పెళ్లి చేసుకున్న 2006లోనే ఆయన కర్ణాటక ముఖ్యమంత్రిగా ప్రమాణ స్వీకారం చేశారు. రాధికా కుమారస్వామి ఫ్యామిలీ ఫొటోలు ఆన్‌లైన్‌లో గతంలోను వైరల్‌గా మారాయి.

English summary
Radhika Kumaraswamy Most Trending on Google.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X