కారణమిదే: 2060 తర్వాత పురుషులకు పిల్లలు పుట్టరు

ఉత్తర అమెరికా, యూరప్, అస్ట్రేలియా, న్యూజిలాండ్ దేశాలకు చెందిన పురుషుల్లో పునరుత్పత్తి శక్తి గణనీయంగా పడిపోయిందని ఓ నివేదిక వెల్లడించింది.

న్యూయార్క్: ఉత్తర అమెరికా, యూరప్, అస్ట్రేలియా, న్యూజిలాండ్ దేశాలకు చెందిన పురుషుల్లో పునరుత్పత్తి శక్తి గణనీయంగా పడిపోయిందని ఓ నివేదిక వెల్లడించింది.

పురుషుల వీర్యం కౌంట్ వేగంగా పడిపోతోంది. 1973 నుండి 2011 సంవత్సరాల మధ్య ఈ దేశాల పురుషుల్లో వీర్యం కౌంట్ 50 నుండి 60 శాతానికి పడిపోయిందని జెరూసలెంలోని హెబ్రూ యూనివర్శిటీ నిర్వహించిన అథ్యయనంలో తేలింది.

42,935 మంది శాంపిళ్ళను అధ్యయనం చేసిన తర్వాత ఈ నివేదిక వెల్లడైంది. అయితే ఆసియా, ఆఫ్రికా , దక్షిణ అమెరికా దేశాల పురుషుల్లో వీర్యం కైౌంట్ స్థిరంగానే కొనసాగుతోందని ఆ అధ్యయనంలో తేలింది.

అయితే ఈ దేశాల పురుషుల వీర్యానికి సంబంధించిన డేటా తమ వద్ద ఎక్కువగా లేకపోవడం వల్ల కూడ తగ్గిందా లేదా అన్న అంశాన్ని అంత ఖచ్చితంగా చెప్పలేకపోతున్నారు పరిశోధకులు.

ఉత్తర అమెరికా, యూరప్, అస్ట్రేలియా న్యూజిలాండ్ దేశాల్లో వీర్యం కౌంట్ తగ్గిన విషయాన్ని స్పష్టంగా గుర్తించారు. ఈ పరిస్థితి ఇలాగే కొనసాగితే 2060 నాటికి ఆ దేశాల్లోని పురుషుల్లో పునరుత్పత్తి శక్తి పూర్తిగా పడిపోతోందని పరిశోధకులు హెచ్చరించారు.

ధూమపానం, వాతావరణ కాలుష్యం కారణంగానే వీర్యం కౌంట్ పడిపోతోందని పరిశోధకులు అనుమానిస్తున్నారు. విష రసాయనాల ప్రభావానికి గురికావడం వల్ల వీర్యం కౌంట్ పడిపోతోందని గుర్తించారు.అయితే మరింత లోతుగా పరిశోధనలు జరగాల్సిన అవసరం ఉందని హెబ్రూ యూనివర్శిటీ పరిశోధకులు తెలిపారు. గతంలో అనుమానించినట్టుగా స్థూలకాయానికి వీర్యం కౌంట్ పడిపోవడానికి మాత్రం సంబంధం లేదన్నారు.

English summary

A new report reveals that sperm counts among men in Western countries, including men in North America, Australia, New Zealand and Europe, have dropped substantially over the years. According to study authors, in less than 40 years, collective sperm count among this group of men has declined more than 50%.