అర్థరాత్రి వేళ అమ్మాయిల హాస్టల్లోకి... ఎత్తుకెళ్లిందేమిటో తెలుసా?
మహిళా కళాశాల హాస్టల్లో అర్థరాత్రి వేళ ఆగంతకులు ప్రవేశించి అమ్మాయిల లో దుస్తులైన బ్రాలు, అండర్ వేర్లు ఎత్తుకెళ్లిన ఉదంతమిది.
బెంగళూరు : మహిళా కళాశాల హాస్టల్లో అర్థరాత్రి వేళ ఆగంతకులు ప్రవేశించి అమ్మాయిల లో దుస్తులైన బ్రాలు, అండర్ వేర్లు ఎత్తుకెళ్లిన బాగోతం బెంగళూరు నగరంలో సంచలనం రేపింది.
నగరంలోని శేషాద్రి రోడ్డులో ఉన్న మహారాణి ఆర్ట్స్ అండ్ కామర్స్ మేనేజ్ మెంట్ కళాశాల వసతిగృహంలో ఈ ఘటన చోటు చేసుకుంది. అర్థరాత్రి వేళ కొంతమంది యువకులు ప్రవేశించి అమ్మాయిలు ఆరుబయట ఆరబెట్టిన లో దుస్తులను ఎత్తుకెళ్లారు.
ఇటీవల రాత్రివేళ ఓ యువకుడు హాస్టల్ గోడ దూకి వచ్చి అమ్మాయిల లో దుస్తులను ఎత్తుకెళ్లిన ఘటన సీసీటీవీ ఫుటేజ్ లో బయటపడింది. ఓ ఆగంతకుడు గోడ దూకి హాస్టల్ లో కి ప్రవేశించడం గమనించిన అమ్మాయిలు వెంటనే ప్రిన్సిపాల్ కు ఫిర్యాదు చేశారు.
మరో రోజు ఓ యువకుడు హాస్టల్ లోకి రావడం చూసి సెక్యూరిటీ గార్డు వెంటాడగా అతడు గోడ దూకి పారిపోయాడు. రాత్రివేళ ఇలా అమ్మాయిల హాస్టల్ లో ఆగంతకుల ఆగడాలపై కళాశాల ప్రిన్సిపాల్ ఆర్ శాంతకుమారి పోలీసులకు ఫిర్యాదు చేశారు. కేసు నమోదు చేసుకున్న పోలీసులు త్వరలోనే నిందితులను పట్టుకుంటామని చెప్పారు.