మోడీ బర్త్ డే: చికాగోలో 13వేల అడుగుల ఎత్తు నుంచి దూకుతూ మహిళ గ్రీటింగ్స్ (వీడియో)
Recommended Video
న్యూఢిల్లీ/చికాగో: సోమవారం... 17 సెప్టెంబర్ భారత ప్రధాని ప్రధాని నరేంద్ర మోడీ పుట్టిన రోజు. ఆయనకు శుభాకాంక్షలు వెల్లువెత్తాయి. ఓ మహిళా పారా జంపర్ మాత్రం ప్రధానికి వినూత్నంగా శుభాకాంక్షలు తెలిపారు. 13,000 అడుగుల ఎత్తు నుంచి విమానం నుంచి దూకుతూ పుట్టిన రోజు శుభాకాంక్షలు తెలిపారు.
మీకు 36, మాకు 32: మాయావతి సంతోషించేలా అఖిలేష్ యాదవ్ ఫార్ములా!
అమెరికాలోని చికాగోలో ఆమె ఈ ఫీట్తో మోడీకి 68వ పుట్టిన రోజు శుభాకాంక్షలు తెలిపారు. ఆమె పేరు శీతల్ మహాజన్. మోడీకి పెద్ద అభిమాని. చికాగోలో ఉంటున్నారు. స్కైడైవర్.
మోడీని అభిమానించే మహాజన్.. వినూత్నంగా శుభాకాంక్షలు చెప్పడానికి దీనిని ఎంచుకున్నారు. 13,000 అడుగుల ఎత్తులో ఉన్న విమానం నుంచి దూకి హ్యాపీ బర్త్డే మోడీ అని రాసున్న ప్లకార్డును చూపిస్తూ వీడియో తీయించారు. ఈ వీడియోను శీతల్ తన ఫేస్బుక్ పేజీలో అప్లోడ్ చేశారు.
'గౌరవనీయ భారత ప్రధాని మోడీకి 13వేల అడుగుల ఎత్తు నుంచి పుట్టినరోజు శుభాకాంక్షలు. నాతో పాటు ఉన్న నా సహ స్కైడైవర్ సుదీప్ కొడవాటి ఈ వీడియోను తీశారు. గత నాలుగేళ్ల నుంచి మోడీని కలవాలని ఎంతో ప్రయత్నిస్తున్నాను. కానీ ఆయన కార్యాలయం నుంచి నాకు ఎలాంటి స్పందన రాలేదు. అందుకే ఇలా విమానం నుంచి దూకి శుభాకాంక్షలు చెప్పాలని నిర్ణయించుకున్నాను. కనీసం ఈ వీడియో చూసి ఆయన నన్ను కలుస్తారని చిన్న ఆశ' అని పేర్కొన్నారు.
కాగా, బీజేపీ నేతలు ప్రకాశ్ జవదేకర్, ముక్తార్ అబ్బాస్ నక్వీలు 568 కిలోల లడ్డూను తయారు చేయించి అభిమానం చాటుకున్నారు.