చిక్కుల్లో ధోని: 'ఐదేళ్లుగా పన్ను చెల్లించడం లేదు'
రాంచీ: టీమిండియా వన్డే, టీ20 కెప్టెన్ మహేంద్ర సింగ్ ధోని మరోసారి చిక్కుల్లో పడ్డారు. ధోని తన హమ్మర్ కారుకు గత ఐదేళ్లుగా పన్ను చెల్లిచండం లేదని రాంచీ డీటీఓ తెలిపారు. దీంతో జరిమానాతో సహా ఒకేసారి దోని పన్ను చెల్లించాల్సి ఉంటుందని ఆయన తెలిపారు.
కాగా మహేంద్ర సింగ్ ధోని కొనుగోలు చేసిన హమ్మర్కు సంబంధించిన వివరాలు ఇప్పటి వరకు తమ వద్ద నమోదు కాలేదని ఆయన తెలిపారు. ధోని హమ్మర్ కారు పేరును టైపిస్ట్ రవాణా శాఖలో వెబ్సైట్లో పొరపాటున స్కార్పియో వాహనంగా నమోదు చేశాడని ఆయన పేర్కొన్నారు.
హమ్మర్ వాహనం అంతర్జాతీయ బ్రాండ్ అని టైపిస్ట్కు తెలియకపోవడంతో అతడు పొరపాటు పడినట్లు వివరించారు. టైపిస్ట్ పొరపాటు వల్లనే ధోని హమ్మర్ వాహనం వివరాలు తమ వద్దని లేవని ఆయన చెప్పారు. కేవలం రెండు సంవత్సరాలకు మాత్రమే ధోని పన్ను చెల్లించిన్నట్టు ఆయన చెప్పారు.
MS Dhoni has not paid tax for his 'Hummer' vehicle for last 5 years,so he will have to pay one time tax along with penalty: DTO Ranchi
— ANI (@ANI_news) 17 March 2016