హోంవర్క్ చేయలేదని నగ్నంగా నిలబెట్టారు

ముంబై: మహారాష్ట్రలోని ముంబైలో దారుణ ఘటన చోటుచేసుకుంది. హోంవర్క్ చేయలేదనె నెపంతో ఓ ఇద్దరు ఉపాధ్యాయుడు విచక్షణారహితంగా ప్రవర్తించారు. ఇద్దరు విద్యార్థుల బట్టలు విప్పించి తరగతి గదుల బయట నిలబెట్టించారు.

అంతటితో ఆగకుండా, వారిని వీడియో తీసి వాట్సాప్‌లో కూడా పెట్టారు. దీంతో ఈ విషయం నగర పోలీస్ ఉన్నతాధికారులకు తెలిసి ఆ ఇద్దరు ఉపాధ్యాయులపై కేసు పెట్టారు.

ముంబైలోని మాల్వాని ప్రాంతంలోని శ్రీ ట్యూటోరియల్ ట్యూషన్ క్లాస్‌కు రెండు, మూడు తరగతులు చదువుతున్న ఇద్దరు పిల్లలు వెళుతున్నారు. వారు తమ టీచర్లు ఇచ్చిన హోం వర్క్ చేయలేదు.

ఈ నేపథ్యంలో ఆ ఇద్దరు విద్యార్థుల బట్టలు విప్పించి క్లాస్ బయట నిలబెట్టారు. వారిని వీడియో తీసి వాట్సప్‌లో కూడా పెట్టారు. ఈ వీడియోను చూసిన ముంబై పోలీస్ కమిషనర్ దత్తా ఫాద్సల్గికర్ బాధ్యులైన ఉపాధ్యాయులపై కేసు నమోదు ఆదేశించారు. దీంతో పోలీసులు.. జువెనైల్ జస్టిస్ యాక్ట్ 82, 75 సెక్షన్ల ప్రకారం కేసు నమోదు చేశారు.

English summary

Police register case against a Malwani-based tutorial class as WhatsApp video of children standing outside the institute goes viral.