మోడీ వెంట బ్లాక్ బాక్స్! అనుమానాలెన్నో? ఈసీకి ఫిర్యాదు!
బెంగళూరు: ప్రధానమంత్రి నరేంద్రమోడీ ప్రయాణించిన హెలికాప్టర్ లో ఓ పేద్ద నల్లరంగు ట్రంకు పెట్టె వ్యవహారం ప్రస్తుతం దేశవ్యాప్తంగా అందరి దృష్టినీ ఆకర్షించింది. అందులో ఏముందనే విషయంపై చర్చ నడుస్తోంది. కర్ణాటకలోని చిత్రదుర్గలో మోడీ ఎన్నికల ప్రచారానికి వెళ్లిన సందర్భంగా ఈ బ్లాక్ బాక్స్ ఉదంతం వెలుగులోకి వచ్చింది. నరేంద్రమోడీ హెలికాప్టర్ దిగిన వెంటనే.. కొందరు భద్రతా సిబ్బంది అందులో నుంచి బ్లాక్ బాక్స్ ను తీసుకుని పరుగెత్తుకుంటూ వెళ్లి, ఓ కారులో పెట్టడానికి సంబంధించిన దృశ్యాలతో కూడిన ఓ వీడియో ప్రస్తుతం సోషల్ మీడియాలో హల్ చల్ చేస్తోంది. ఈ ఘటనపై కర్ణాటక ప్రదేశ్ కాంగ్రెస్ కమిటీ నాయకులు ఎన్నికల ప్రధాన అధికారికి ఫిర్యాదు చేశారు. ఆ బ్లాక్ బాక్స్ అంతు తేల్చాలని విజ్ఞప్తి చేశారు.
.@ECISVEEP Officials enthusiastically checked CM @hd_kumaraswamy's car multiple times in a day
— Janata Dal Secular (@JanataDal_S) April 13, 2019
But why isn't @ECISVEEP concerned about the Mysterious box that was shipped from PM's helicopter to a private car?
Aren't ECI guidelines applicable to PM @narendramodi?
Need answers! pic.twitter.com/0DY4BohVGv
మూడు లక్షల మంది తెలుగు ఓటర్లు: అక్కడ గెలవాలంటే.. మనోళ్లు దయ తల్చాల్సిందే!
కొద్దిరోజుల కిందట ఎన్నికల ప్రచారంలో భాగంగా నరేంద్రమోడీ కర్ణాటకలోని చిత్రదుర్గకు వెళ్లారు. చిత్రదుర్గలో తాత్కాలికంగా ఏర్పాటు చేసిన హెలిప్యాడ్ లో దిగారు. ఆయనకు రక్షణగా మరో మూడు హెలికాప్టర్లు చిత్రదుర్గలో దిగాయి. వాటిల్లో ఓ హెలికాప్టర్ లో ఈ బ్లాక్ బాక్స్ కనిపించింది. హెలికాప్టర్ కిందికి దిగిన వెంటనే- అక్కడి భద్రతా సిబ్బంది చెరో వైపు పట్టుకుని పరుగెత్తుకుంటూ ఈ పెట్టెను తీసుకెళ్లడం అక్కడి సీసీ కెమెరాల్లో రికార్డయ్యింది. ఈ వీడియోను కర్ణాటక పీసీసీ అధ్యక్షుడు దినేష్ గుండూరావు సేకరించారు. దాన్ని తన ట్విట్టర్ ఖాతాలో పోస్ట్ చేశారు. అనంతరం కర్ణాటక ఎన్నికల ప్రధానాధికారి, కేంద్ర ఎన్నికల కమిషన్ కార్యాలయం దృష్టికి తీసుకెళ్లారు.
ఆ పెట్టేలో ఏముందనే విషయాన్ని తేల్చాలని, ఎవరు? ఎందుకు? ఎక్కడికి తీసుకెళ్లారనే విషయాన్ని తేల్చాలని కాంగ్రెస్ నాయకులు డిమాండ్ చేస్తున్నారు. దీనిపై సమగ్ర విచారణ చేపట్టాలని కాంగ్రెస్ నేత, కేంద్ర మాజీ మంత్రి ఆనంద్ శర్మ డిమాండ్ చేశారు. ఈ వీడియోపై మోడీ స్పందించాలని, వెంటనే వివరణ ఇవ్వాలని ఆయన పట్టుబట్టారు. బ్లాక్ బాక్స్ ను తీసుకెళ్లిన కారు మోడీ కాన్వాయ్ లోనిది కాదని ఆయన ఆరోపించారు. మోడీ భద్రతా సిబ్బందిలోని ఇద్దరు వ్యక్తులు ఆ ట్రంకు పెట్టెను హెలికాప్టర్ నుంచి కిందకు దించి ఓ ప్రైవేటు కారులో పెట్టిన దృశ్యం ఆ వీడియోలో రికార్డయ్యింది.