టాటా రేసులో తెరపైకి మరో ఇద్దరు: చంద్రశేఖరన్పై డైలమా వెనుక..
ముంబై: టాటా సన్స్ చైర్మన్ పదవి రేసులో మరో ఇద్దరి పేర్లు తెరపైకి వచ్చాయి. సైరస్ మిస్త్రీని తొలగించిన అనంతరం పలువురి పేర్లు వినిపిస్తున్నాయి. మొన్నటి దాకా ఇంద్రానూయి, అరుణ్ సైరిన్, నోయల్ టాటాల పేర్లు వినిపించాయి. ఆ తర్వాత ఎస్ రామదొరై పేరు వినిపించింది.
తాజాగా, మరో ఇద్దరి పేర్లు వినిపిస్తున్నాయి. టీసీఎస్ సీఈవో చంద్రశేఖరన్, జాగ్వార్ లాండ్ రోవర్ అధినేత రాల్ఫ్ స్పెత్ పేర్లు వినిపిస్తున్నాయి. కొత్త చైర్మన్ ఎంపికకు నాలుగు నెలల సమయం తీసుకున్నారు. రతన్ టాటా తాత్కాలిక చైర్మన్గా ఉన్నారు.
ఆయన నేతృత్వంలోని ఐదుగురు సభ్యుల కమిటీ కొత్త చైర్మన్ను ఎంపిక చేయనుంది. మరీ ముఖ్యంగా, ఇప్పుడు చంద్రశేఖరన్ పేరు బలంగా వినిపిస్తోంది. అయితే ఆయన ఎంపిక మాత్రం కొంత సంక్లిష్టంగా ఉండే అవకాశముందనే వాదనలు కూడా వినిపిస్తున్నాయి.
టాటా గ్రూప్లోని విలువైన కంపెనీలకు ఆయన హెడ్గా ఉన్నారు. కీలక బాధ్యతలు నిర్వర్తిస్తున్న ఆయనను టాటా ఛైర్మన్గా ఎంపిక చేస్తే ఆ స్థానాన్ని భర్తీ చేయగల మరొకరిని అన్వేషించాల్సిన పరిస్థితి ఏర్పడుతుంది. అయితే సంస్థ ప్రయోజనాల దృష్ట్యా అంతిమంగా ఏ నిర్ణయమైనా తీసుకునే అవకాశముంటుందంటున్నారు.