లవర్ చేతులు ఎత్తేశాడు: విరక్తితో నర్సింగ్ కాలేజ్ విద్యార్థిని ఆత్మహత్య !

ప్రేమించిన యువకుడు మోసం చేశాడని జీవితంపై విరక్తి పెంచుకున్న నర్సింగ్ కాలేజ్ విద్యార్థిని ఉరి వేసుకుని ఆత్మహత్య చేసుకున్న ఘటన కర్ణాటకలోని గదగ్ జిల్లా గద్దనకేరి ప్రాంతంలో జరిగింది. గదగ్ జిల్లాలోని కర్తక

బెంగళూరు: ప్రేమించిన యువకుడు మోసం చేశాడని జీవితంపై విరక్తి పెంచుకున్న నర్సింగ్ కాలేజ్ విద్యార్థిని ఉరి వేసుకుని ఆత్మహత్య చేసుకున్న ఘటన కర్ణాటకలోని గదగ్ జిల్లా గద్దనకేరి ప్రాంతంలో జరిగింది. గదగ్ జిల్లాలోని కర్తకోటకు చెందిన విజయలక్ష్మి (20) అనే యువతి ఆత్మహత్య చేసుకుందని పోలీసులు చెప్పారు.

బాగల్ కోటలోని బసవేశ్వర విద్యావర్తక సంఘం సజ్జలశ్రీ నర్సింగ్ కాలేజ్ లో విజయలక్ష్మి విద్యాభ్యాసం చేస్తోంది. గద్దనకేరిలో ఓ అద్దె ఇంటిలో విజయలక్ష్మి నివాసం ఉంటున్నది. సోమవారం కాలేజ్ నుంచి ఇంటికి వచ్చింది. తరువాత ఇంటిలో ఉరి వేసుకుని ఆత్మహత్య చేసుకుంది.

మంగళవారం ఈమె కాలేజ్ కు రాకపోవడంతో విజయలక్ష్మి స్నేహితులు ఇంటికి వెళ్లారు. స్నేహితులు ఎంత పిలిచినా విజయలక్ష్మి బయటకు రాకపోవడంతో ఇంటి యజమానికి అనుమానం వచ్చి పోలీసులకు ఫిర్యాదు చేశారు. పోలీసులు తలుపులు పగలగొట్టి చూడగా విజయలక్ష్మి ఆత్మహత్య చేసుకున్న విషయం వెలుగు చూసింది. ప్రేమించిన యువకుడు మోసం చెయ్యడం వలనే విజయలక్ష్మి ఆత్మహత్య చేసుకుందని పోలీసుల ప్రాథమిక విచారణలో వెలుగు చూసింది.

English summary

The Shri B.V.V. Sangha Sajjalashri Institute of Nursing Science College Bagalkot , 20 year old nursing student Vijayalakshmi Bapule committed suicide by hanging in Gaddankeri rented house on Monday night. The reason is yet to be known.