బెంగళూరు కన్నడ పత్రిక ఎడిటర్ గౌరీ లంకేష్ హత్య, హంతకుల ఆచూకి మాత్రం, ఫోన్లు చేసి !
కన్నడ పత్రిక ఎడిటర్ గౌరీ లంకేష్ హత్యహంతకుల కోసం గాలిస్తున్నా ఫలితం మాత్రం శూన్యంహంతకుల ఊహాచిత్రాలు ఎలా వేయించారు, మీకెవరు సమాచారం ఇచ్చారు అంటూ ప్రశ్నలు
బెంగళూరు: కన్నడ లంకేష్ పత్రిక ఎడిటర్ గౌరీ లంకేష్ హత్య కేసులో హంతకులను పట్టుకోవడం కోసం ప్రత్యేక దర్యాప్తు సంస్థ (సిట్) అధికారులు ప్రయత్నాలు చేస్తున్నా ఫలితం మాత్రం కనిపించడం లేదు. ఇప్పటికే హంతకుల మూడు రేఖా చిత్రాలు విడుదల చేసినా వారి ఆచూకి మాత్రం చిక్కలేదు.
దీపావళి పండగ చేసుకోకుండా సిట్ అధికారులు గౌరీ లంకేష్ హంతకుల కోసం గాలిస్తున్నారు. గౌరీ లంకేష్ ఇంటికి ఏర్పాటు చేసిన సీసీకెమెరాల పుటేజీలు విదేశాలకు పంపించి నిపుణులతో పరిశీలించి వారి సలహాలు, సూచనలు తీసుకున్న సిట్ అధికారులు శక్తి వంచన లేకుండా పని చేస్తున్నారు.
హంతకుల ఊహాచిత్రలు విడుదల చేసిన సిట్ అధికారులు హంతకుల వివరాలు తెలిస్తే సమాచారం ఇవ్వాలని ఫోన్ నెంబర్లు ఇచ్చారు. ఆ ఫోన్ నెంబర్లకు దాదాపు 500 ఫోన్స్ కాల్స్ వచ్చాయి. అయితే హంతకులు వివరాలు చెప్పకుండా సిట్ అధికారులకు ప్రశ్నల వర్షం కురిపించారని తెలిసింది.
గౌరీ లంకేష్ ను హత్య చేసిన వ్యక్తి హెల్మెట్ పెట్టుకున్నాడని మీరే చెబుతున్నారని, హెల్మెట్ పెట్టుకున్న వ్యక్తి నుదుటి మీద బొట్టు పెట్టుకున్నాడని మీరెల గుర్తించారు ?, ఉహాచిత్రాలు మీరెల గీయించారు, హంతకుల వివరాలు మీకెవరు ఇచ్చారు అంటూ ఇప్పటి వరకు అనేక మంది ఫోన్లు చేసి ప్రశ్నిస్తున్నారని తెలిసింది.