వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

వింత శిక్ష: బహిర్భూమికి వెళ్లినందుకు రేషన్ కట్.. తప్పు చేస్తే సంక్షేమ పథకాల నుంచి పేర్లు తొలిగింపు..

|
Google Oneindia TeluguNews

భువనేశ్వర్: మహిళల బహిరంగ మల విసర్జనను అరికట్టడానికి ఓ వింత శిక్షను అనుసరిస్తోంది ఓ గ్రామం. బహిర్భూమికి వెళ్లిన కుటుంబాలకు ప్రభుత్వ సంక్షేమ పథకాలను నిలిపివేసేలా చర్యలు తీసుకుంటోంది. చౌక ధరల దుకాణాల ద్వారా సరఫరా అయ్యే నిత్యావసర సరుకులను నిలిపివేసింది. క్రమంగా పింఛన్, ఇతర సంక్షేమ పథకాల నుంచి వారి పేర్లను తొలగించేలా చర్యలు తీసుకోవడానికి సిద్ధపడుతోంది. ఆ గ్రామం పేరు గౌతమి. ఒడిశాలోని గంజాం జిల్లా సంఖేముండి బ్లాక్ పరిధిలో ఉంటుందీ గౌతమి గ్రామం.

రాష్ట్రపతి పాలన దిశగా మహారాష్ట్ర: మా బంధం ఫెవికాల్, సిమెంట్ కంటే దృఢం: బీజేపీరాష్ట్రపతి పాలన దిశగా మహారాష్ట్ర: మా బంధం ఫెవికాల్, సిమెంట్ కంటే దృఢం: బీజేపీ

బహిరంగ మల విసర్జనను స్వచ్ఛందంగా నిషేధించారు గ్రామస్తులు. కిందటి నెల 20వ తేదీన ఓ తీర్మానాన్ని కూడా చేశారు. అయినప్పటికీ.. దీన్ని ఉల్లంఘించి బహిర్భూమికి వెళ్లిన 20 కుటుంబాలకు చెందిన మహిళలకు రేషన్ ను నిలిపివేశారు. బహిర్భూమికి వెళ్లే వారిని అడ్డుకోవడానికి ప్రత్యేకంగా ఓ కమిటీని కూడా వేశారు. స్వయం సహాయక బృందానికి చెందిన కొందరు మహిళలు గ్రూపుగా ఏర్పడి బహిర్భూమి విధానాన్ని అరికట్టడానికి చర్యలు తీసుకుంటోంది. ఏ మహిళైనా బహిర్భూమికి వెళ్లినట్లు తమ దృష్టికి వస్తే కఠిన చర్యలు తీసుకుంటామని గ్రామ సర్పంచ్ సుశాంత్ స్వైన్ వెల్లడించారు.

No ration to 20 Families for defecating in open in Ganjam

ఈ నిబంధనను అతిక్రమించిన 20 కుటుంబాలకు రేషన్ ను నిలిపివేశారు. ఈ విషయాన్ని గ్రామ సర్పంచ్ అధికారికంగా వెల్లడించారు. తాము బహిర్భూమికి వెళ్లబోమంటూ మహిళలు క్షమాపణ పత్రాన్ని రాసి ఇవ్వాల్సి ఉంటుందని, ఆ తరువాతే నిత్యావసర సరుకులను సరఫరా చేస్తామని వెల్లడించారు. వ్యక్తిగత మరుగుదొడ్లపై అవగాహన కల్పించడం, గ్రామాన్ని స్వచ్ఛంగా ఉంచుకోవాలనే ఉద్దేశంతోనే తాము ఈ తీర్మానం చేశామని, ఇందులో మరే ఉద్దేశం లేదని సుశాంత్ స్వైన్ తెలిపారు. పదే పదే అదే తప్పును చేస్తే.. పింఛన్ వంటి సంక్షేమ పథకాల లబ్దిదారుల జాబితా నుంచి వారి పేర్లను తొలగించే దిశగా చర్యలు తీసుకోవాలని భావిస్తున్నట్లు చెప్పారు.

English summary
As many as 20 families at Goutami Panchayat under Sankhemundi block in Ganjam district have been denied ration for defecating in the open. According to reports, Sarpanch of Goutami Panchayat in the district, Sushant Swain took a strict action and refused to provide the subsidised items to 20 families covered under the food security schemes after it was found that they are defecating in the open.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X