హెచ్1 బీ వీసాలు ఇండియన్స్కే ఎక్కువ, పెరిగిన వేతనం
అమెరికాలో హెచ్ 1 బీ వీసాలను కలిగి ఉన్నవారిలో ఇండియాకు చెందినవారే అధికమని యూఎస్సీఐఎస్ అధికారిక నివేదిక తెలిపింది.
వాషింగ్టన్: అమెరికాలో హెచ్ 1 బీ వీసాలను కలిగి ఉన్నవారిలో ఇండియాకు చెందినవారే అధికమని యూఎస్సీఐఎస్ అధికారిక నివేదిక తెలిపింది.
అమెరికా అధ్యక్షుడిగా ట్రంప్ బాధ్యతలు స్వీకరించిన తర్వాత హెచ్ 1 బీ వీసాల విషయంలో కఠినమైన నిర్ణయాలను తీసుకొన్నారు. దీంతో ఇండియాకు చెందిన వారు ఈ వీసాల విషయంలో ఐటీ కంపెనీలు కూడ ధరఖాస్తు చేసుకోవడాన్ని తగ్గించారు.
సాఫ్ట్వేర్ మందగమనం ప్రభావం కూడ ఈ వీసాలపై కన్పిస్తోంది. అయితే మరోవైపు వీసా నిబంధనలను ట్రంప్ అడ్మినిస్ట్రేషన్ కఠినతరం చేసింది.
స్థానికంగా ఉన్నవారికి ఉద్యోగ అవకాశాలు తగ్గిపోతున్నాయని ట్రంప్ అడ్మినిస్ట్రేషన్ భావించి వీసాల నిర్ణయంపై కఠినతర నిర్ణయాలను తీసుకొంది.
హెచ్ 1 బీ వీసాలు కలిగినవారిలో ఇండియన్స్ అధికం
హెచ్ 1 బీ వీసాలు కలిగిన ఉన్నవారు అత్యధికులు ఇండియన్స్ ఎక్కువగా ఉన్నారని అమెరికా అధికారికంగా ప్రకటించింది. యూఎన్సీఐఎస్ నివేదిక తెలిపింది. గత 11 ఏళ్ళలో సుమారు 21 లక్షల మంది భారత్కు చెందిన ఐటీ ఉద్యోగులు హెచ్ 1 బీ వీసా కోసం ధరఖాస్తు చేసుకొన్నారని ఆ నివేదిక వెల్లడించింది.అయితే ఎక్కువమందికి అర్హతలు లేకపోవడంతో యూఎస్ సిటిజన్షిప్ అండ్ ఇమ్మిగ్రేషన్ తిరస్కరించిందని ఆ నివేదిక స్పష్టం చేసింది.
హెచ్1 బీ వీసాలు పొందిన సగటు వేతనం 92,317 డాలర్లు
హెచ్ 1 బీ వీసాలు పొందిన వారి వేతనాల సగటును చూసిట్టైతే ఈ 11 ఏళ్ళలో 92,317 డాలర్లుగా ఉన్నట్టు ఈ నివేదిక పేర్కొంది. వారిలో అధికశాతం డిగ్రీ, పీజీలు చదివినవారే ఎక్కువగా ఉన్నారు. 2007 నుండి ఈ ఏడాది జూన్ వరకు పరిశీలిస్తే యూఎస్సీఐఎస్కు హెచ్ 1 బీ వీసాల కోసం 34 లక్షల ధరఖాస్తులు రాగా, వారిలో 21 లక్షల మంది ధరఖాస్తులు ఇండియా నుండి వచ్చినవే. ఈ కాలంలోనే 26 లక్షల మందికి హెచ్ 1 బీ వీసాలను జారీ అయ్యాయి.
భారత్ తర్వాత చైనా వారే
అమెరికాలో హెచ్ 1 బీ వీసాల కోసం ధరఖాస్తు చేసుకొనే వారి సంఖ్య ఇండియా తర్వాత చైనాదే. చైనా నుండి 2,96,313, ఫిలిఫ్పీన్స్ నుండి 85,918, దక్షిణ కొరియా నుండి 77,359 , కెనడా నుండి 68,228 ధరఖాస్తు చేసుకొన్నవారిలో ఉన్నారు.
35 ఏళ్ళ వారికే ఎక్కువ హెచ్ 1 బీ వీసాలలు
హెచ్ 1 బీ వీసాల కోసం ధరఖాస్తు చేసుకొన్నవారిలో అత్యధికులు 25 నుండి 34 ఏళ్ళలోపు ఉన్నవారే అధికమని ఈ నివేదిక తెలిపింది. 20 లక్షల వీసాలు కంప్యూటర్ సంబంధమైన వృత్తుల్లో వివిధ కేటగిరిల వారికే జారీ చేసినట్టు ఈ నివేదిక వెల్లడించింది.11 ఏళ్ళలో 2 వేల మందికి పైగా ఈ హెచ్ 1 బీ వీసాలను 65 ఏళ్ళు దాటిన వారికి మంజూరు చేశారు.
పెరిగిన వేతనాలు
2007లో హెచ్ 1 బీ వీసాలు ఉన్న ఉద్యోగులకు సగటున 68,159 డాలర్లగా ఉన్న వేతనాలు ప్రస్తుతం 92,317 డాలర్లుగా పెరిగింది. అమెరికా ఏటా 70 నుండి 80 శాతం విదేశీ ఉద్యోగులను భారత్ నుండే తీసుకొంటున్నట్టు నివేదిక తెలిపింది.ఈ వీసా నిబంధనలు సమీక్షిస్తోంది ట్రంప్ సర్కార్.