యుద్దం తప్పదా...? బాలిస్టిక్ మిసైల్‌‌ను ప్రయోగించిన పాకిస్థాన్ ... వీడీయో

అక్టోబర్‌లో యుద్దం జరుగుతుందని హెచ్చరించిన పాకిస్థాన్ అందుకు సంబంధించిన అస్త్రాలను సిద్దం చేసుకుంటుందా...? ఓవైపు భారత సరిహద్దులోకి పాకిస్థాన్ కమాండోలను పంపిస్తున్న పాకిస్థాన్, మరోవైపు మిసైల్స్‌ను కూడ పరీక్షిస్తోంది. ఈనేపథ్యంలోనే గురువారం తెల్లవారుజామున 300 కిలోమీటర్ల పరిధిలో ప్రయోగించే బాలిస్టిక్ క్షిపణి ఘజ్నావి ప్రయోగాన్ని పరీశీలించింది. కాగా ఈ మిసైల్ 290 కి.మీ పరిధిలోని లక్ష్యాలను చేధించనుంది.

కశ్మీర్ అంశాన్ని అంతర్జాతీయం చేసేందుకు పాకిస్థాన్ చర్యలు చేపడుతుంది. ఇందులో భాగంగానే యుద్ద ఘంటికలు మ్రోగించిన పాకిస్థాన్ గురువారం తెల్లవారుజామున ఉపరితల బాలిస్టిక్ క్షిపణి ఘజ్నావిని ప్రయోగం చేసింది. కాగా ఈ క్షిపణి ప్రయోగం విజయవంతం అయిందని పాకిస్థాన్ సాయుధ దళాల ప్రతినిధి మేజర్ జనరల్ ఆసిఫ్ గఫూర్ ట్వీట్ చేశారు. ఇందుకు సంభంధించి ముప్పై సెకన్ల వీడీయోను కూడ విడుదల చేశారు. ఇక ప్రయోగం విజయవంతం కావడంతో పాకిస్థాన్ ప్రధాని ఇమ్రాన్ ఖాన్ సంబంధిత టీంకు అభినందనలు కూడ తెలిపారు.. ప్రయోగించిన బాలిస్టిక్ క్షిపణి 290 కి.మీ మేర వార్‌హెడ్స్‌ను తీసుకుపోగలదు.

కశ్మీర్ సమస్యను దౌత్య స్థాయిలో అంతర్జాతీయ చేయడంతోపాటు ఇరు దేశాల మధ్య అణు యుద్ధం యొక్క భయాన్ని పెంచడం కోసం క్షిపణి ప్రయోగాలు చేస్తున్నట్టు పలువురు రాజకీయ నిపుణులు భావిస్తున్నారు. ఇంతకుముందు పాకిస్థాన్ రైల్వే మంత్రి షేక్ రశీద్ ఇందుకు సంబంధించి ప్రకటన కూడ చేశాడు. ఆక్టోబర్‌లో ఇండియా పాకిస్థాన్‌ల మధ్య చివరి యుద్దం జరగనుందని హెచ్చరించాడు. దీంతో ఇరు దేశాల సరిహద్దుల మధ్య టెన్షన్ వాతవరణం నెలకొంది. ఇక ఆర్టికల్ 370 రద్దు నుండి పాకిస్థాన్ ఇలాంటీ కవ్వింపు చర్యలకు పాల్పడుతున్న విషయం తెలిసిందే... పాకిస్థాన్ భావిస్తున్నట్టు కశ్మీర్ ఇరు దేశాలు ద్వైపాక్షిక అంశమని భారత్ తేల్చి చెబుతోంది. కాని పాకిస్థాన్ మాత్రం కశ్మీర్‌ను అంతర్జాతీయ అంశంగా చేసే ప్రయత్నాలు ఏమేరకు ఫలిస్తాయో వేచి చూడాలి.

Pakistan successfully carried out night training launch of surface to surface ballistic missile Ghaznavi, capable of delivering multiple types of warheads upto 290 KMs. CJCSC & Services Chiefs congrat team. President & PM conveyed appreciation to team & congrats to the nation. pic.twitter.com/hmoUKRPWev

— DG ISPR (@OfficialDGISPR) August 29, 2019

English summary

Pakistan carried out a night training launch of surface to surface ballistic missile Ghaznavi early on Thursday, a move that coincides with its scaled up effort to internationalise the Kashmir issue. Major General Asif Ghafoor, spokesperson of Pakistan Armed Forces, tweeted that the launch was successful.