వరుసగా 11వ రోజు తగ్గుదల: గత 10 రోజుల కంటే ఎక్కువ తగ్గిన పెట్రోల్, డీజిల్ ధరలు

న్యూఢిల్లీ: పెట్రోలు, డీజిల్ ధరలు వరుసగా పదకొండో రోజు తగ్గాయి. శనివారం నాడు 40-42 పైసలు తగ్గింది. గత పది రోజులతో పోలిస్తే నేడు అత్యధిక తగ్గింపు నమోదైంది. శనివారం పెట్రోల్‌పై 40పైసలు, డీజిల్‌పై 30పైసలు తగ్గిస్తున్నట్లు ఆయిల్‌ కంపెనీలు ప్రకటించాయి.

శనివారం ఉదయం 6 గంటల నుంచి ఈ తగ్గింపు అమల్లోకి వచ్చింది. తాజా తగ్గింపుతో దేశ రాజధాని ఢిల్లీలో లీటర్‌ పెట్రోల్‌ ధర రూ. 77.02గా ఉంది. ఇండియన్ ఆయిల్‌ కార్పొరేషన్ ధరల ప్రకారం.. ముంబైలో రూ. 84.84, కోల్‌కతాలో రూ. 79.68, చెన్నైలో రూ. 79.95గా ఉంది. హైదరాబాదులో లీటర్ పెట్రోల్ ధర రూ. 81.59గా ఉంది.

లీటర్‌ డీజిల్‌ ధర ఢిల్లీలో రూ. 68.28, ముంబైలో రూ. 72.70, కోల్‌కతాలో రూ. 70.83, చెన్నైలో రూ. 72.08గా ఉంది. హైదరాబాదులో డీజిల్ ధర రూ.75.20కి తగ్గింది. మొత్తంగా ఈ పదకొండు రోజుల కాలంలో లీటర్‌ పెట్రోల్‌ ధర రూ. 1.41, డీజిల్‌ ధర రూ. 1.03 తగ్గింది.

English summary

Petrol prices on Saturday slashed by 40-42 paise per litre in Delhi, Kolkata, Mumbai and Chennai, compared with the previous day's rates. Diesel prices were lowered by 30-32 paise per litre, according to Indian Oil Corporation's website.