• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

‘జడ్జీలు కాషాయ లోదుస్తులు ధరించారు’: హైకోర్టుపై పీఎఫ్ఐ సభ్యుడు అసహ్యకరమైన వ్యాఖ్యలు

|
Google Oneindia TeluguNews

తిరువనంతపురం: రాజకీయ మరియు మతపరమైన ర్యాలీలలో పిల్లలను ఉపయోగించుకోవడంపై కేరళ హైకోర్టు తన దిగ్భ్రాంతిని వ్యక్తం చేసిన నేపథ్యంలో పాపులర్ ఫ్రంట్ ఆఫ్ ఇండియా (PFI) నాయకుడు శనివారం న్యాయవ్యవస్థపై చాలా అసహ్యకరమైన వ్యాఖ్య చేశారు. పీఎఫ్ఐ రాష్ట్ర కమిటీ సభ్యుడు ఈ రోజుల్లో కోర్టులు చాలా త్వరగా షాక్ అవుతున్నాయని అన్నారు. యాహ్యా తంగల్‌గా గుర్తించబడిన ఈ సభ్యుడు.. న్యాయమూర్తులు 'కాషాయ లోదుస్తులు' ధరించడం వల్లనే ఇలా జరిగిందంటూ వివాదాస్పద వ్యాఖ్యలు చేశారు.

'ఈరోజుల్లో కోర్టులు చాలా వేగంగా షాక్ అవుతున్నాయి.అలప్పుజ పీఎఫ్ఐ ర్యాలీలో నినాదాలు విని హైకోర్టు న్యాయమూర్తులు షాక్ అయ్యారు.కారణం ఏంటో తెలుసా?జడ్జీలు వేసుకునే లోదుస్తులు కాషాయ రంగులో ఉంటే సహజంగానే వేడిని అనుభవిస్తారు. మీరు ఆందోళన చెందుతారు. అది మిమ్మల్ని కాల్చేస్తుంది. అది మిమ్మల్ని డిస్టర్బ్ చేస్తుందని మాకు పూర్తిగా తెలుసు' అని పీఎఫ్ఐ రాష్ట్ర కమిటీ సభ్యుడు యాహ్యా తంగల్ అన్నారు.

PFI member Attacks Judiciary Post Kerala HCs Observation; Judges Wearing Saffron Underwear

కాగా, పీఎఫ్‌ఐ ర్యాలీలో రెచ్చగొట్టే నినాదాలు చేసిన చిన్నారిపై కేరళ హైకోర్టు దిగ్భ్రాంతి వ్యక్తం చేసింది.కేరళలోని అలప్పుజాలో పీఎఫ్‌ఐ ర్యాలీలో రెచ్చగొట్టే నినాదాలు చేశారు. అయితే, అందరి దృష్టిని ఆకర్షించిన వీడియోలో.. ఒక వ్యక్తి భుజంపై కూర్చున్న ఒక మైనర్ బాలుడు, "(హిందువులు) వారి కర్మల కోసం బియ్యం, పువ్వులు కొనాలి. ఓహ్! నేను ఒక విషయం మర్చిపోయాను. (క్రైస్తవులు) వారి అంత్యక్రియలకు ధూపం కూడా కొనుక్కోవాలి.ఇదిగో..ఇదిగో..మీ కసాయిలు.ఇక్కడ బతకాలంటే మర్యాదగా బతుకు..లేకపోతే ఆజాదీని ఎలా అమలుచేయాలో మాకు తెలుసు..ఇక్కడ బతకాలంటే మర్యాదగా బతుకు" అంటూ నినాదాలు చేశాడు.

విజయకుమార్ పీకే అనే వ్యక్తి ఈ రెచ్చగొట్టే నినాదాలపై ఫిర్యాదు చేయడంతో.. కేరళ పోలీసులు పీఎఫ్ఐ అలప్పుజా జిల్లా చీఫ్ నవాస్మ్, జిల్లా కార్యదర్శి ముజీబ్, ఇతరులపై ఎఫ్‌ఐఆర్ నమోదు చేశారు. వారిపై సెక్షన్లు 153A (మత ప్రాతిపదికన వివిధ సమూహాల మధ్య శత్రుత్వాన్ని పెంపొందించడం), 295A (ఉద్దేశపూర్వకంగా, హానికరమైన చర్యలు, ఏ వర్గానికి చెందిన మతపరమైన భావాలను ఆగ్రహానికి గురిచేయడం), 505(1)(బి) (ప్రజా ప్రశాంతతకు వ్యతిరేకంగా చట్టం) కింద బుక్ చేశారు. ఐపీసీ 505(1)(c), 505(2), 506 (క్రిమినల్ బెదిరింపు), కేరళ పోలీస్ చట్టం 120(O) కింద కేసులు నమోదు చేశారు.

అలాగే, ఒక వారం తర్వాత చిన్నారి, అతని కుటుంబాన్ని కొచ్చిలో కనుగొన్నారు. బాలుడి తల్లిని విడిచిపెట్టిన పోలీసులు.. అతని తండ్రిని అరెస్ట్ చేశారు. నినాదాలు చేసిన బాలుడిని కౌన్సిలింగ్‌కు పంపనున్నారు. కాగా, పీఎఫ్ఐ ర్యాలీలో చోటు చేసుకున్న పరిణామాలు, పీఎఫ్ఐ సభ్యుడి వ్యాఖ్యలపై అన్ని పార్టీల నేతలు మండిపడుతున్నారు.

English summary
PFI member Attacks Judiciary Post Kerala HC's Observation; 'Judges Wearing Saffron Underwear'.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X